ગુગલ ડ્રાઇવ પર સેવ માઇક્રોસોફ્ટ ઑફિસની ફાઇલ હવે સીધી એડિટ મોડમાં જ ખુલશે. ગૂગલે મંગળવારે તેની ઘોષણા કરી હતી. અત્યાર સુધી તેના પર ડબલ ક્લિક કરવાથી સેવ કરેલી ફાઇલ પ્રિવ્યુથી મેન્યુઅલ ક્લિક બાદ એડિટ મોડમાં ખુલતી હતી.
ગૂગલનું નવુ ફીચર
તમારુ કામ થઇ જશે આસાન
ફાઇલને સીધી કરી શકાશે એડિટ
ગૂગલનું કહેવુ છે કે રાઇટ ક્લિક સાથે પ્રીવ્યુ મોડ પર જવાની સુવિધા રહેશે. આ સિવાય ફાઇલ પર ડબલ ક્લિક દરમિયાન કીબોર્ડ પર P દબાવવાથી પણ કામ થશે.
ગૂગલે એક બ્લોગ પોસ્ટ દ્વારા કહ્યું કે ડ્રાઇવમાં ઓટોમેટિક એડિટનો બદલાવ આવવાથી યુઝર્સે સેટિંગ્સ ડિફોલ્ટ કરવામાં પણ મદદ મળશે. ગૂગલ ડૉક્સ, શીટ અને સ્લાઇડ સાથે હસ્તક્ષેપ કરતા ફાઇલમાં સીધી કમેન્ટ, એડિટ વગેરે કરી શકો છો. ફાઇલ ચાલી રહેલા ઓફિસ ફોર્મેટમાં ઓટોમેટિક સેવ થઇ જશે.
આ અપડેટ docx, doc, ppt, pptx, xls, xlsx, Xlsm સહિત દરેક ઓફિસમાં લાગૂ થાય છે. પાસવર્ડવાળી ફાઇલ સીધી ઓફિસ એડિટ મોડમાં નહી ખુલે અને પ્રિવ્યુ મોડમાં ખુલશે. ગૂગલે તે પણ જણાવ્યું કે, જો Docs, શીટ અને સ્લાઇડ માટે એક્સટેન્શન ડાઉનલોડ કરવામાં આવે છે તો ફાઇલ સીધી એક્સટેન્શનમાં રિડાયરેક્ટ કરવામાં આવશે તે Docsમાં નહી જાય.
ગૂગલનું કહેવુ છે કે આ રોલઆઉટ 15 દિવસમાં પતી જશે. ગયા અઠવાડિયે ગૂગલે એક નવી સુવિધા શરૂ કરી જેમાં ગૂગલ ડ્રાઇવને Gmail અકાઉન્ટ સાથે ડોક અને શીટ જેવી ફાઇલોથી એક્સેસ કરી શકાશે.