ટેક્નોલોજી / ગુગલ લાવી રહ્યું છે નવું ફાઇલ શેરીંગનું ફિચર 'ફાસ્ટ શેર', ઇન્ટરનેટ વિના કરી શકશો યૂઝ

ગુગલે જોકે અગાઉ જાહેર કર્યું હતું કે તે હવે એનએફસી આધારિત એન્ડ્રોઇડ બીમને બાય-બાય કહેવા માગે છે. ગુગલ હવે એપલની એરડ્રોપ જેવી ફાઇલ શેરીંગ સિસ્ટમ પર કામ કરી રહ્યું છે. 'ફાસ્ટ શેર' થી યુઆરએલ અને ટેકસ્ટ પણ શેર થઇ શકશે. ફાસ્ટ શેરથી ફાઇલ ટ્રાન્સફર કરતી વખતે ઇન્ટરનેટની પણ જરુર નહીં પડે. એન્ડ્રોઇડમાં હાલ શેરીંગ ઓપ્શન છે. 

જેમાં તમે સોશિયલ મિડીયા કે અન્ય એપથી ફાઇલ કે લીંક શેર કરી શકો છો. ગુગલ ફાસ્ટ શેર ફિચર પર કામ કરી રહ્યું છે તે ફાઇલશેરીંગની પોપ્યુલર એપ શેરઇટ જેવું હશે. તેમાં ક્રોમબુક કે અન્ય ડિવાઇસમાં પણ કામ કરશે.

ગુગલ તેના એન્ડ્રોઇડ 10ના ફાઇનલ વર્ઝન સાથે ફાસેટ શેરને લોન્ચ કરે તેવી શકયતા છે. તે પછી જેમના મોબાઇલમાં એન્ડ્રોઇડ 10 નહીં હોય તેમાં પણ ગુગલ પ્લે સ્ટોર પરથી તે ડાઉનલોડ કરી શકાશે. ઉલ્લેખનીય છે કે એન્ડ્રોઇડના 10 એટલે કે ક્યુ ઓપરેટિંગ સિસ્ટમનું થોડા દિવસ પહેલા બીટા વર્ઝન 4 લોન્ચ થયું છે.

જે ગુગલના પિકસેલ સિરીઝના ફોન,વન પ્લસ અને અન્ય કેટલીક કંપનીઓના ફોનમાં તે ડાઉનલોડ કરી શકાય છે. એન્ડ્રોઇડ 10નું ફાઇનલ વર્ઝન ઓગસ્ટમાં લોન્ચ થશે.