RUSSIA UKRAINE WAR / યુક્રેનના પડખે આવ્યું ગૂગલ, રશિયા વિરુદ્ધ લેવા જઈ રહ્યું છે આ મોટી એક્શન

• રશિયા અને યુક્રેન વચ્ચે જંગ
• યુક્રેનના તબાહીના દ્વારે આવીને ઉભું રહ્યું
• ગૂગલે કરી મોટી જાહેરાત

રશિયા અને યુક્રેન વચ્ચે ચાલી રહેલા યુદ્ધની વચ્ચે અમેરિકી કંપની ગૂગલે ફરી એક વાર યુક્રેનના લોકોની મદદ માટે આગળ આવી છે. આ વખતે ગૂગલે જાહેરાત કરી છે તેના તરફથી યુક્રેનના એંડ્રોઈડ મોબાઈલ યુઝર્સને રશિયાના હવાઈ હુમલા સંબંધમાં એલર્ટ મોકલશે. તેનાથી યુક્રેનના લોકોને રશિયાના સંભવિત હવાઈ હુમલાનું એલર્ટ પહેલા જ મળી જશે અને તેનાથી સંભવત: જીવ બચાવી શકાય.

ગૂગલની આ સેવા પ્લે સ્ટોરમાં મળી જશે

ગૂગલ પોતાની આ સેવાને યુક્રેનની સરકારના આગ્રહ બાદ શરૂ કરવા જઈ રહ્યું છે. જીએસએમ એરેનાના જણાવ્યા અનુસાર ગૂગલની આ નવી સેવા અપડેટ ગૂગલ પ્લે સર્વિસમાં મળી રહેશે. કંપનીના એન્જીનિયરીંગ વાઈસ પ્રેસીડેંટ અનુસાર ગૂગલ આ સેવામાં એવી જ સિસ્ટમનો ઉપયોગ કરશે, જેવી કે ભૂકંપ સંબંધમાં ઉપયોગમાં લેવાય છે.

ગૂગલે અગાઉ પણ કરી હતી આ જાહેરાત

આ અગાઉ ગૂગલે યુક્રેના પક્ષમાં કેટલીય મહત્વની સેવા શરૂ કરી છે અને બંધ પણ કરી ચુકી છે. હાલમાં જ ગૂગલે યુક્રેનમાં પોતાની ગૂગલ મેપ્સની અમુક સેવાઓ બંધ કરી દીધી હતી. તેમાં કેટલીય જગ્યાએ વાહનવ્યવહાર સંબંધિત જાણકારી અને ભીડના સંબંધમાં જાણકારીઓ સામેલ હતી. ગૂગલનું કહેવુ હતું કે, આ ડેટાનું સૈન્ય ઈંટેલીજેંસીમાં યુક્રેન વિરુદ્ધ ઉપયોગ કરી શકાય છે. 

રશિયા વિરુદ્ધ મોટી એક્શન

તો વળી આ અગાઉ માર્ચની શરૂઆતમાં યુક્રેન પર રશિયાના હુમલાને લઈને સોશિયલ મીડિયા પર પ્રસારિત સામગ્રી પર ગાળીયોત કસવા માટે ગૂગલ સહિત મુખ્ય ટેક કંપનીઓએ રશિયાની સરકારી મીડિયાને પોતાના સેવાનો ઉપયોગ કરતા રોકવા માટે એક પગલું ભર્યું છે. જેથી તે દુષ્પ્રચાર અને ખોટી માહિતીઓનો પ્રસાર રોકી શકે.

ગૂગલે ઘોષણા કરી હતી કે, તે યુરોપમાં એવી યુટ્યૂબ ચેનલને તાત્કાલિક બ્લોક કરી રહી છે, જો કે, સ્પષ્ટ કર્યું છે કે, તેને સંપૂર્ણપણે બંધ કરવામાં થોડો સમય લાગી શકે છે.