મે માનતા હશો કે ગૂગલ તમારે આંગળીનાં ટેરવે છે તો તે ભૂલ ભરેલું છે. બનાસકાંઠા જિલ્લાનાં ડીસા શહેરથી 20 કિલોમીટરનાં અંતરે આવેલા ગૂગલ ગામની. હકીકતમાં આ ગામનું નામ ગૂગલ નહીં પરંતુ `ગૂગળ' છે. પરંતુ આ ગામનું નામ `ગૂગળ'માંથી `ગૂગલ' થઈ જવા પાછળ તંત્રની ભાષાકીય ભૂલ કહો કે અંગ્રેજી ભાષાની મર્યાદા કહો એ જવાબદાર છે. જો કે, ગામનું નામ Google કરી દેતા આ ગામ જાણે વિશ્વની સૌથી મોટી આઇટી કંપની google નું હેડક્વાર્ટર હોય તેમ સોશિયલ મીડિયામાં વાઇરલ થવા લાગ્યું છે.
આજનાં અદ્યતન સમયમાં કોઈ યુવાનો કદાચ `ગૂગળ' નામની પૂજા સામગ્રીથી અપરિચિત હશે. પરંતુ `ગૂગલ'થી કોઈ શિક્ષિત યુવાન કે મોબાઈલ વાપરનાર નાગરિક અપરિચિત નહીં હોય, કેમ કે ગૂગલ સર્ચ એન્જિનનો ઉપયોગ કરવો એ આજે આંગળીનાં ટેરવે સરળ બની ગયું છે. પરંતુ ગૂગલ કે ગૂગળ માત્ર કોઈ સર્ચ એન્જિન કે પૂજા સામગ્રીનાં નામ પૂરતું સીમિત નથી. ગૂગલ એ હવે એક ગામનું નામ પણ પડી ગયું છે. જેને સોશિયલ મીડિયા પર ધૂમ મચાવી છે. તો શું શું છે આ ગૂગળ અને ગૂગલનું ચક્કર જોઈએ આ અહેવાલમાં.
તમે માનતા હશો કે ગૂગલ તમારે આંગળીનાં ટેરવે છે તો તે ભૂલ ભરેલું છે. બનાસકાંઠા જિલ્લાનાં ડીસા શહેરથી 20 કિલોમીટરનાં અંતરે આવેલા ગૂગલ ગામની. હકીકતમાં આ ગામનું નામ ગૂગલ નહીં પરંતુ `ગૂગળ' છે. પરંતુ આ ગામનું નામ `ગૂગળ'માંથી `ગૂગલ' થઈ જવા પાછળ તંત્રની ભાષાકીય ભૂલ કહો કે અંગ્રેજી ભાષાની મર્યાદા કહો એ જવાબદાર છે. જો કે, ગામનું નામ Google (Google Village) કરી દેતા આ ગામ જાણે વિશ્વની સૌથી મોટી આઇટી કંપની google નું હેડક્વાર્ટર હોય તેમ સોશિયલ મીડિયામાં વાઇરલ થવા લાગ્યું છે.
આ ગામનું નામ સરકારી ચોપડે તથા તમામ નકશા અને રેકોર્ડમાં `ગુગળ' તરીકે લખાયેલું છે. જો કે થોડાંક સમય પહેલા ગુગળ જતા રસ્તા પર માર્ગ અને મકાન વિભાગનાં અધિકારીઓએ દિશાનિર્દેશ કરતું બોર્ડ માર્યું તેમાં ગામનું નામ ગુગળની જગ્યાએ અંગ્રેજીમાં ગૂગલ લખી નાખ્યું છે અને અંગ્રેજી સ્પેલિંગને અનુસરીને ગુજરાતીમાં પણ ગૂગલ જ લખી નાખ્યું છે.
કદાચ તંત્ર ધારત તો ગુજરાતીમાં `ગુગળ' લખી શકત પણ એવું કશુ થયું નહીં. જેનાં કારણે આ ગામનાં નામ પર સોશિયલ મીડિયા પર ટીખળ થઈ રહી છે. જો કે અહીંનાં સ્થાનિક નાગરિકોની ગામ પ્રત્યે જોડાયેલી અસ્મીતા તો તેને ગુગળ સિવાય બીજા કોઈ નામથી ઓળખાવવા તૈયાર જ નથી અને તેઓ આ બોર્ડમાં નામ સુધારવામાં આવે તેવી માંગ કરી રહ્યાં છે.
જો કે, ભલે ભૂલ હોય કે પછી તંત્રને ભાષાની મર્યાદા નડી હોય. પરંતુ આજ કાલ આ ગામની ગૂગલ પર પણ નોંધ લેવાઈ રહી છે. હાલ ડીસાનું આ ગુગળ ગામ `ગૂગલ' તરીકે સોસીયલ મીડિયામાં ઘણું વાયરલ થઈ રહ્યું છે. હકીકતમાં તંત્રની બેદરકારી અને ભૂલનાં કારણે નામનું અનર્થ થઈ જતું હોય છે ત્યારે આવું જ કંઈક આ ગુગળ ગામનું થયું છે.