કોરોના વાયરસને કારણે અમેરિકાની અર્થવ્યવસ્થા ફરી જીવંત કરવા માટે અમેરિકાના રાષ્ટ્રપતિએ ગ્રેટ અમેરિકાન ઈકોનોમિક રિવાઈવલ ઈન્ડસ્ટ્રી સમૂહ સાથે ગઠન કર્યુ છે. જેમાં ટ્રમ્પે ગૂગલના સૂંદર પિચાઈ અને માઈક્રોસોફ્ટના સત્યા નડેલા સહિતના 6 ભારતવંશીઓનો સમાવેશ કર્યો છે. આ આર્થિક પુનરુદ્ધાર ઉદ્યોગ સમૂહ અમેરિકાની અર્થવ્યવસ્થા પર ટ્રમ્પને સલાહ આપશે.
ટ્રમ્પે ક્હ્યું કે અરવિંદ કૃષ્ણ, સંજય મેહરોત્રા, એન મુખર્જી તથા અજય બંગાનો સમાવેશ
અમેરિકા આ તમામ ક્ષેત્રમાં કરશે ફરી આઈડિયેશન પર કામ
ટ્રમ્પે અમેરિકાની અર્થવ્યવસ્થાને પાટે ચઢાવવા માટે વિભિન્ન ઉદ્યોગો અને વર્ગોના 200 થી વધારે મહત્વના અમેરિકન દિગ્ગજોને લઈને લગભગ દોઢ ડર્ઝન સમૂહોનું ગઠન કર્યુ છે. ટેક્નીકલ ગ્રુપમાં પિચાઈ અને નડેલા ઉપરાંત આઈબીએમના એરવિંદ કૃષ્ણ અને માઈક્રોનના સંજય મેહરોત્રાનો સમાવેશ કરવામાં આવ્યો છે. આ ઉપરાંત પેરનોડ રિકોર્ડની ભારતીય-અમેરિકન એન. મુખર્જીને વિ નિર્માણ સમૂહમાં સ્થાન આપ્યું છે. માસ્ટર કાર્ડના અજય બંગાને નાણા સેવા સમૂહમાં સ્થાન આપ્યું છે.
ટ્રમ્પે કહ્યું કે, ‘આ એવા નામ છે જેમના વિશે મને લાગે છે કે તે સૌથી સારા, સ્માર્ટ અને શાનદાર છે. જે અમને તેમના આઈડિયા આપતા રહેશે.’
બીજા ગ્રુપમાં ટિમ કુક, ઝુકરબર્ગ જેવા નામનો સમાવેશ
વધુ એક ગ્રુપમાં એપલના ટિમ કુક, ઓરેકલના લૈરી એલિસન અને ફેસબુકના માર્ક ઝુકરબર્ગનો સમાવેશ કરવામાં આવ્યો છે. તે મૈન્યૂફૈક્ચરિંગ સમૂહના કૈટરપિલના જિમ ઉમ્પલેબી, ટેસ્લાના એલન મસ્ક, કિએટ ક્રિસલરના માઈક મૈનલે, ફોર્ડના બિલ ફોર્ડ અને જેનરલના મૈરી બારાનો સમાવેશ કરવામાં આવ્યો છે. વીમાના મામલામાં અલ કેલી, બ્લેકસ્ટોનના સ્ટીફન, શ્વાર્જમૈન, ફિડેલિટી ઈન્વેસ્ટમેંટના એબિગેલ જોનસન તથા ઈન્ટુઈટના સાસન ગુડારાજીનો સમાવેશ કરાયો છે.
વ્હાઈટ હાઉસ સાથે મળીને કરશે આ કામ
અમેરિકાના રાષ્ટ્રપતિએ જે સમૂહ બનાવ્યું છે. જેમાં કૃષિ, બૈંકિગ, નિર્માણ- શ્રમ- કાર્યાલય, રક્ષા, ઉર્જા, નાણા સેવા, ખાદ્ય તથા પેય પદાર્થ, સ્વાસ્થ્ય, આતિથ્ય, વિનિમાર્ણ, અચલ સંપતિ, ટેક્નોલોજી, દુરસંચાર, પરિવહન , રમત ગમત તથા વિચારશીલ નેતાઓનો સમાવેશ કરવામાં આવ્યો છે. અમેરિકન નેતાઓનો આ સમૂહ વ્હાઈટ હાઉસની સાથે મળીને કામ કરશે.