ગૂગલે પોતાનાં સર્ચ ફીચરમાં એક મોટો ફેરફાર કર્યો છે. ગૂગલ એપનાં નવા અપડેટમાં આપનાં સવાલોનાં સીધા જ જવાબ મળશે. અત્યાર સુધી આપ ગૂગલમાં કંઇ પણ સર્ચ કરતા તો આપને તેનાં અનેક જવાબો મળતા. પરંતુ હવેથી આપને ડાયરેક્ટ તેનો પરફેક્ટ જવાબ જ દેખાઇ આવશે.
ઉદાહરણની રીતે જોઇએ તો આપ ગૂગલમાં 5+10 ટાઇપ કરીને સર્ચ કરો છો તો આપને રિઝલ્ટ તરીકે ડાયરેક્ટ 15 મળી જશે અને સાથે નીચે કેલ્ક્યુલેટર પણ ખુલી જશે. આ સિવાય જો આપ એવું સર્ચ કરો છો કે દિલ્હીમાં સમય શું છે તો તે પણ ગૂગલ આપને બિલકુલ પરફેક્ટ સમય બતાવશે. ત્યાર બાદ દિલ્હી સાથે જોડાયેલા અન્ય રિઝલ્ટ પણ સામે આવશે.
પહેલા રિઝલ્ટ સિવાય આપને Show All Resultsનાં વિકલ્પ પણ મળતા કે જેની મદદથી આપ પોતાનાં સર્ચને વિશે વધારે જાણકારી પ્રાપ્ત કરી શકતા. ત્યારે એવામાં ગૂગલનું આ નવું સર્ચ ફીચર સર્ચનો અંદાજ બદલી નાખશે કેમ કે આની મદદથી લોકોને ડાયરેક્ટ સીધો જ જવાબ મળશે કે જે આપ ઇચ્છો છો.
ઉલ્લેખનીય છે કે ગૂગલે થોડાંક દિવસ પહેલા જ ગૂગલ ડ્યુઓ એપને આધારે રિવોર્ડ પ્રોગ્રામ લોન્ચ કરેલ છે. આ અંતર્ગત આપને ગૂગલ ડ્યુઓ એપની લિંક પોતાનાં મિત્રો અને સંબંધીઓને મોકલવાની રહેશે. પ્રત્યેક ડાઉનલોડ પર ગૂગલ આપને કેશ રિવોર્ડ આપશે.
જો આપનાં મિત્ર ગૂગલ ડ્યુઓની લિંકને ડાઉનલોડ કરે છે તો પછી તેને પણ આને માટે રિવોર્ડ મળશે. આવું કરવા પર આપનાં મિત્ર પમ સરળતાથી કમાણી કરી શકશે. જો આપનાં મિત્ર પણ પોતાનાં સંબંધીઓને લિંક શેર કરે છે તો પછી તેઓને પણ પૈસા મળશે.