ગૂગલે ચીની મોબાઇલ મેન્યૂફેક્ચરિંગ કંપની હુવાવેને ઝટકો આપતા એન્ડ્રોઇડ ઓપરેટિંગ સિસ્ટમ (OS)માં કેટલાક અપડેટ્સ પર પ્રતિબંધ લગાવ્યો છે. તેથી હુવાવેના નવા સ્માર્ટફોન્સ પર લોકપ્રિય ગૂગલ એપ્સ ચલાવી શકશો નહીં.
ગૂગલે આ પગલું ટ્રમ્પ પ્રશાસન દ્વારા બ્લેકલીસ્ટ કરવામાં આવ્યા બાદ ઉઠાવ્યું છે. જેમા અમેરિકી કંપનીઓ બ્લેક લીસ્ટ કરવામાં આવેલી કંપનીઓ સાથે ત્યાં સુધી કામ નથી કરી શકતી જ્યાં સુધી તેમની પાસે લાઇસન્સ નથી હોતું. ગૂગલ દ્વારા આપવામાં આવેલ નિવેદન અનુસાર, તે આ આદેશનું પાલન અને મામલાની સમીક્ષા કરી રહી છે.
હુવાવેના ઉપભોક્તા ઉત્પાદન વિભાગના મુખ્ય કાર્યકારી અધિકારી (CEO) રિચર્ડ યૂએ બે મહીના પહેલા જર્મનીના એક સમાચાર પત્ર સાથે આ અંગે વાતચીત કરી હતી. જેમાં એમણે કહ્યું હતું કે ગૂગલ જો તેમની કંપનીને એન્ડ્રોઇડ સુવિધા આપવાથી ઇનકાર કરે છે તો તેના વિકલ્પમાં કંપની એક મોબાઇલ ઓેએસ બનાવી રહી છે.
ગૂગલના આ પગલા બાદ હુવાવેનું એન્ડ્રોઇડ લાઇસેન્સ રદ્દ થઇ ગયું છે. તેથી હૂવાવેની કોઇપણ ડિવાઇસઝ પર હવે એન્ડ્રોઇડ અપડેટ્સ મળશે નહીં. જોકે તેના આગામી હેન્ડસેટ પર ગૂગલ એપ્સ અને ગૂગલ પ્લે સ્ટોરની સુવિધા ચાલુ રહેશે. હુવાવેની કોઇપણ ડિવાઇસ પર હવે યૂટ્યૂબ અને મેપ્સ જેવા એપ્સ નહીં મળે.
હુવાવે એક નિવેદનમાં જણાવ્યું કે આખા વિશ્વમાં હુવાવેએ એન્ડ્રોઇડને આગળ વધારવામાં યોગદાન આપ્યું છે. હુવાવે તમામ વર્તમાન હુવાવે અને હોનર સ્માર્ટફોન, ટેબ્લેટમાં સિક્યોરિટી અપટેડ અને સર્વિસ આપશે. તેમા વેંચવામાં આવેલા ફોન અને સ્ટૉકમાં હાજર ફોન મળશે. તેનો અર્થ એ થાય છે કે હુવાવે અને હોનરના નવા ફોન પર અપડેટ મળશે તેની કોઇ ગેરંટી નથી.