Google Play Storeના Data Safety Section ફીચર દ્વારા હવે જાણી શકાશે કે યુઝર્સનો કયો ડેટા ક્યાં યુઝ થઇ રહ્યો છે.
Google Play Store એ લોન્ચ કર્યું Data Safety સેક્શન
હવે એપ જણાવશે કે કયા ડેટાનો ક્યાં ઉપયોગ થઈ રહ્યો છે
જાણો શું છે આ ડેટા સેફ્ટી સેક્શન?
Google Play Store માટે આજથી ડેટા સેફ્ટી ફીચર રોલઆઉટ થઇ ગયું છે. Appleના પ્રાઈવસી લેબલની જેમ ગૂગલે પણ આ ડેટા સેફ્ટી ફીચર એન્ડ્રોઈડ ડિવાઈસ માટે બહાર પાડ્યું છે. આમાં હવે પ્લે સ્ટોર પર જોઈ શકાશે કે કઇ એપ ડેવલપર યુઝરની કઇ અંગત માહિતી એકત્ર કરી રહી છે.
શું ડેટા કોઇ ત્રીજી પાર્ટીને તો શેર નથી કરવામાં આવી રહ્યો ને?
ઈન્ટરનેટ દિગ્ગજ ગૂગલે યુઝર્સ સાથે જોડાયેલો ડેટા એકત્ર કરવાના ઉદ્દેશના વિશે એપ ડેવલપરો પાસેથી ખુલાસો માંગવાની સાથે-સાથે એમ જણાવવા પણ કહ્યું કે, તેને (ડેટા) ક્યાંક ત્રીજી પાર્ટીને તો શેર નથી કરવામાં આવી રહ્યો ને.
20 જુલાઇ સુધી જાણકારી આપવાની રહેશે
Googleએ એક બ્લોગમાં કહ્યું કે, યુઝર્સને 'ગૂગલ પ્લે' પર 27 એપ્રિલથી એક ડેટા સેફ્ટી નામનો વિભાગ પણ જોવા મળશે. એપ ડેવલપરોએ પોત-પોતાની એપના વિશે આ સેક્શનમાં જઇને ડેટા કલેક્શનના વિશે 20 જુલાઇ સુધી જાણકારી આપવાની રહેશે.
ફીડબેકના આધારે એ ખ્યાલ આવી જશે કે...
ગૂગલે કહ્યું કે, એપ બનાવનાર ડેવલપરો અને તેનો ઉપયોગ કરનારા યુઝર્સ પાસેથી મળેલા ફીડબેકના આધારે એ જાણવા મળ્યું છે કે, વધારાના સંદર્ભ વિના એક એપ જેટલો ડેટા એકત્ર કરે છે તેને માત્ર દર્શાવવો જ પૂરતો નથી.
યુઝર્સ એ જાણવા માંગે છે કે...
ગૂગલે કહ્યું કે યુઝર્સ એ જાણવા માંગે છે કે એપ ડેવલપર્સ કયા હેતુથી તેમનો ડેટા લઈ રહ્યાં છે અને શું આ માહિતી કોઇ થર્ડ પાર્ટી સાથે શેર તો નથી કરવામાં આવી રહ્યો ને. એપ ડેવલપરોને આ અંગેની સ્થિતિ સ્પષ્ટ કરવા માટે કહેવામાં આવ્યું છે.
સેફ્ટી સેક્શનમાં એપ ડેવલપર જણાવી શકે છે કે...
Google અનુસાર, આ ચિંતાઓ અને આશંકાઓને ધ્યાનમાં રાખતા ડેટાને લઇને સેફ્ટી સેક્શનને તૈયાર કરવામાં આવેલ છે. તેમાં એપ ડેવલપર એ સ્પષ્ટ રીતે જણાવી શકે છે કે, કઇ રીતનો આંકડો લેવામાં આવી રહ્યો છે અને તેનો કયા ઉદ્દેશથી ઉપયોગ કરવામાં આવી રહ્યો છે.
Data Safety સેક્શન ડેવલપરના વિશે શું જણાવશે?
શું ડેવલપર ડેટા સંગ્રહ કરી રહ્યાં છે અને તે પણ કયા ઉદ્દેશથી?
શું ડેવલપર કોઇ થર્ડ પાર્ટી સાથે ડેટા શેર કરે છે?
એપની સુરક્ષા પ્રથા જેવી કે encryption ના વિશે શું પોલિસી છે?
શું એપ ડેવલપર યુઝરને ડેટા ડિલીટ કરવાનું કહી શકે છે?
શું ડેવલપરે વૈશ્વિક સુરક્ષા ધોરણો (global security standard) અનુસાર પોતાની સુરક્ષા પ્રથાને માન્ય કરી છે?
શું એપ Play Storeમાં બાળકોની સુરક્ષા માટે Google Play ની ફેમિલી પોલિસી (Families Policy) ને અનુસરે છે?