ગૂગલે પ્લેસ્ટોર પરથી છ જેટલી એપ હટાવી દીધી છે. આ એપ મોબાઈલ માટે ખતરનાક હતી એટલે હટાવવામાં આવી છે. આ જ કારણથી ત્રણ વર્ષમાં ગૂગલે પ્લેસ્ટોરથી 1700 એપને હટાવી છે.
પ્લેસ્ટોર પરથી ડીલીટ કરાઈ 6 એપ્સ
યુઝર્સ ડેટાને ધ્યાનમાં રાખીને આ એપને ખતરનાક કેટેગરીમાં રાખવામાં આવી
ગયા વર્ષે 100થી વધારે એપમાં માલાવેર મળ્યો
ગૂગલે પ્લે સ્ટોર પરથી Convenient Scanner 2 અને Safety Applock સહીત છ એવી મોબાઈલ એપને હટાવી દીધી છે જેમાં Malware છુપાયેલો છે. જે એપ હટાવી દેવામાં આવી છે તેમાં Push Message-Texting and SMS, Emoji Wallpaper,Separate Doc Scanner, Fingertip GameBoxનું નામ સામેલ છે.
સાઈબર સિક્યુરિટી ફર્મ પ્રેડીયો અનુસાર જે સ્માર્ટફોનમાં જોકર માલાવેરના કારણે ત્રણ વર્ષમાં ગૂગલે પ્લેસ્ટોરથી 1700 એપને હટાવી છે. નોંધનીય છે જે એપને હટાવવામાં આવી છે તે 6 લાખથી વધુ ડાઉનલોડ થઇ છે. યુઝર્સ ડેટાને ધ્યાનમાં રાખીને આ એપને ખતરનાક કેટેગરીમાં રાખવામાં આવી છે. યુઝર્સને આ એપનો ઉપયોગ ન કરવા સલાહ આપવામાં આવી છે કારણ કે આ એપમાં મલીશસ કન્ટેન્ટ મળી આવ્યું છે.
ગૂગલે આ બધી એપને પ્લેસ્ટોરથી હટાવી દીધી છે પણ જો આ એપ હજુ પણ તમારા મોબાઈલમાં હોય તો તે ખતરનાક સાબિત થઇ શકે છે. ગયા વર્ષે 100થી વધારે એપમાં માલાવેર મળ્યો હતો. આ એપને ઓળખવા સરળ નથી. જેના કારણે યુઝર્સની મંજૂરી વગર જ પ્રીમિયમ સર્વિસ શરુ કરી દે છે. સાયબર સિકયુરિટી ફર્મના રિસર્ચરે પ્લે સ્ટોર પર ડ્રોપર અને પ્રીમિયમ ડાયલર સ્પાયવેરના નવા સોફ્ટવેરને પકડ્યો હતો જે તમારા ફોનમાં કેટલાય પ્રકારની ગડબડી કરી શકે છે.