લાંબા સમયથી એન્ડ્રોઈડ ઓએસમાં એક એવી ખાસ સુવિધા છે, જે પ્રતિસ્પર્ધી ઓએસ-આઈઓએસની કમી છે. અમે જે સુવિધાની વાત કરી રહ્યાં છે, તે છે કૉલ રેકોર્ડિગ. અમુક એન્ડ્રોઈડ યુઝર્સ દેશી કૉલ રેકોર્ડિંગ સુવિધા પર વિશ્વાસ કરે છે, અન્યને Play Store પર ઉપલબ્ધ થર્ડ પાર્ટી એપ્લિકેશન પર નિર્ભર રહેવુ પડે છે.
એન્ડ્રોઈડ ફોન પર કૉલ રેકોર્ડિંગ ટૂંક સમયમાં બંધ થશે
ગુગલ હાલમાં તેની પ્લે સ્ટોર નીતિને કરી રહી છે અપડેટ
તૈયાર કોલ રેકોર્ડિગ એપ્લિકેશન્સ પર મોટો પ્રભાવ પડશે
શું છે નવી ગુગલ પ્લે સ્ટોર પૉલિસી
જો કે, એન્ડ્રોઈડ ફોન પર કૉલ રેકોર્ડિંગ ટૂંક સમયમાં બંધ થશે. પરંતુ પૂર્ણ રીતે નહીં. ગુગલે હાલમાં તેની પ્લે સ્ટોર નીતિને અપડેટ કરી છે, જેમાં ઘણા ફેરફાર છે, જે 11 મેથી પ્રભાવી થશે. નીતિ દ્વારા લાવવામાં આવેલા મહત્વપૂર્ણ પરિવર્તનોમાંથી એકનુ Play Store પર તૈયાર કોલ રેકોર્ડિગ એપ્લિકેશન્સ પર મોટો પ્રભાવ પડશે. ગુગલની નવી પ્લે સ્ટોર પૉલિસી મુજબ, રિમોટ કૉલ ઓડિયો રેકોર્ડિગ માટે એક્સેસિબિલિટી APIનો અનુરોધ કરી શકાય નહીં. જેનો અર્થ છે કે એપ્સને કૉલ રેકોર્ડિગ માટે મંજૂરી પ્રાપ્ત કરવાની મંજૂરી રહેશે નહીં. જેનો અર્થ એવો થઇ શકે કે ટ્રુકૉલર, ઓટોમેટિક કૉલ રેકોર્ડર, ક્યુબ એસીઆર અને અન્ય જેવા લોકપ્રિય એપ કામ નહીં કરે.
ફોનમાં છે સુવિધા તો કરી શકશો ઉપયોગ
જો તમારા એન્ડ્રોઈડ ફોનના ડાયલરમાં ડિફૉલ્ટ રીતે કૉલ રેકોર્ડિગ સુવિધા છે તો પણ તમે કૉલ રેકોર્ડ કરી શકો છો. ગુગલે ખુલાસો કર્યો છે કે પ્રી-લોડેડ કૉલ રેકોર્ડિંગ એપ અથવા ફીચર માટે એક્સેસિબિલિટી મંજૂરીની જરૂર નથી. આ રીતે નેટિવ કૉલ રેકોર્ડિંગ કામ કરશે. ગુગલ દ્વારા આયોજીત એક વેબિનારના એક પ્રેઝન્ટરે કહ્યું, જો એપ ફોન પર ડિફૉલ્ટ ડાયલર છે અને પ્રી-લોડેડ પણ છે, તો આગામી ઑડિયો સ્ટ્રીમ સુધી પહોંચ પ્રાપ્ત કરવા માટે એક્સેસિબિલિટી ક્ષમતાની જરૂર નથી અને તેથી ઉલ્લંઘન નહીં થાય.