શું તમે પણ એન્ડ્રોઇડ ફોન યુઝ કરો છો. તો એન્ડ્રોઇડ ફોન પરથી એક malicious બેંકિંગ ટ્રોજન એપ સામે આવી છે. પૈસા ચોરી કરનારી ગોટાળા એપ ડેટા અને પાસવર્ડ ચોરવા માટે બેંકિંગ એપ, ઓનલાઇન વોલેટ, વીમા એપ, ક્રિપ્ટો વોલેટ અને અન્ય અનેક બાબતોને ટાર્ગેટ કરી રહી છે.
ભૂલથી પણ મોબાઇલમાં આવી એપ ડાઉનલોડ ના કરતા
હેકર્સ તુરંત પાસવર્ડ ચોરીને પીડિતના પૈસા ઉઠાવી લે છે
જાણો કેવી રીતે આ સ્કેમ એપ એપ દ્વારા ચોરાય છે યુઝર્સના રૂપિયા?
જેવો યુઝર નવા પાસવર્ડને રિસેટ કરે છે કે હેકર્સ તુરંત પાસવર્ડ ચોરીને પીડિતના પૈસા ઉઠાવી લે છે. આ ઓનલાઇન ગોટાળાને વિશે સૌથી ડરાવનારી બાબત એ છે કે, એપ Google Play Store પર મેળવવામાં આવી હતી અને નિર્દોષ યુઝર્સ દ્વારા 10,000 થી વધારે વખત ડાઉનલોડ કરવામાં આવી હતી. તેને QR કોડ અને બારકોડ સ્કેનર એપ નામ આપવામાં આવ્યું છે અને હવે Google Play Store પર તેની પર પ્રતિબંધ મૂકવામાં આવ્યો છે.
આ ઘટના એક ઓનલાઇન છેતરપિંડી મેનેજમેન્ટ અને પ્રિવેન્શન ફર્મ ક્લિફીના એક અહેવાલ બાદ સામે આવી છે કે જેમાં એ બાબત હાઇલાઇટ કરવામાં આવી હતી કે, ટીબોટ નામની એપ્લિકેશન દ્વારા પ્રકાશિત ટ્રોજન માલવેર 2021 ની શરૂઆતમાં સામે આવ્યું. ટ્રોજનને પીડિતાના "ઓળખાણપત્રો અને SMS" ચોરવા માટે ડિઝાઇન કરવામાં આવ્યું હતું. માલવેરને ખૂબ બુદ્ધિપૂર્વક ડિઝાઇન કરવામાં આવ્યું હતું.
Google Play Store પર આ સ્કેમ એપ એપ દ્વારા કેવી રીતે ચોરાય છે યુઝર્સના રૂપિયા?
QR કોડ અને બારકોડ - સ્કેનર એપને યુઝર્સને કેટલાંક લાભ પ્રદાન કરવા માટે ડિઝાઇન કરવામાં આવી હતી અને તેથી તે ખૂબ જ લોકપ્રિય બની હતી. જો કે, તે જાહેરાતના રૂપમાં કામ કરતી હોવાથી તેના રિવ્યુ પણ પોઝિટિવ હતાં. જો કે એપ અસલી દેખાતી હતી પરંતુ વાસ્તવમાં તે એક ઓનલાઈન સ્કેમ એપ હતી. આથી એક વાર તે ડાઉનલોડ થઈ જાય કે તુરંત QR કોડ સ્કેનર: એડ-ઓન નામની બીજી એપ્લિકેશન ડાઉનલોડ કરવાની પરવાનગીની ભલામણ કરશે. આ એપમાં કેટલાંક ટીબોટ માલવેર સામેલ હતાં.
એક વાર આ એપ ઇન્સ્ટોલ થઈ ગયા બાદ ટ્રોજન સ્માર્ટફોનની સ્ક્રીનને કંટ્રોલ કરવા માટેની પરવાનગીની વિનંતી કરશે. એક વાર તે થઈ જાય બાદમાં તે લોગ ઇન વિગતો, SMS અને two-factor authentication કોડ જેવી સંવેદનશીલ માહિતી શોધી કાઢશે. તેને ટીબોટને વધારે સંવેદનશીલ ડેટા સુધી સરળ ઍક્સેસ આપતી વખતે કીબોર્ડ એન્ટ્રીઓને રેકોર્ડ કરવાની પરવાનગી આપવા માટે malicious રૂપથી પરવાનગીઓની વિનંતી કરશે.
શું આ એપ તમારા ફોનમાં પણ છે તો સૌ પ્રથમ તેને તુરંત હટાવી દો
આ એપ Google Play Store ની બહાર પણ જબરદસ્ત ચાલી રહી હતી અને તે છેલ્લાં 2 વર્ષોમાં વિકસિત થઇ હતી. આ પહેલાં ટ્રોજનને એસએમએસ આધારિત ફિશિંગ અભિયાનના માધ્યમ દ્વારા વિતરણ કરવામાં આવી હતી. જ્યાં યુઝર્સને સામાન્ય એપ પર નકલી અપડેટ મોકલવામાં આવતા હતાં અને એક વાર ફ્રોડનો ભોગ બનેલી વ્યક્તિ દ્વારા તેને ડાઉનલોડ કર્યા બાદ ટ્રોજન લાગી જશે. પૈસાની ચોરી કરનારી આ સ્કેમ એપને Google એ હટાવી દીધી હતી પરંતુ જો તમે હજુ સુધી આ એપને પોતાના સ્માર્ટફોનમાં રાખી છે તો તેને તુરંત હટાવવાનું કામ કરો.
શું આ એપ તમારા ફોનમાં પણ છે તો સૌ પ્રથમ તેને તુરંત હટાવી દો. આ સાથે ભવિષ્યમાં ક્યારેય પણ આવી કોઇ પણ એપને પરવાનગી ન આપો કે જેની તમારે કંઇ જ જરૂર ના હોય. તેના દ્વારા વિનંતી કરવામાં આવી રહેલી પરવાનગીઓ વાંચવા માટે હંમેશા થોડોક સમય ફાળવો અને જો તે શંકાસ્પદ લાગે તો તુરંત તે એપને અનઇન્સ્ટોલ કરી દો અને સૌને તેની જાણ કરો.