અપડેટ / Pixel 4 બાદ iPhone 11 ની ડિઝાઇન લીક, ટેક વર્લ્ડમાં થઇ ભારે ટીકા

એપલ હોય કે સેમસંગ, હુઆવે, વન પ્લસ, ગુગલ જેવી કંપનીઓનાં ફલેગશીપ મોબાઇલની ડિઝાઇન અને ફિચર્સની અટકળો અને અફવાઓ મહિના પહેલા શરુ થઇ જાય છે. ટેક વર્લ્ડમાં હવે તો ડિઝાઇન અને ફિચર્સ મોબાઇલ લોન્ચ થાય તેના બહુ પહેલા લીક થાય છે અને તે સાચા પણ પડે છે. ગુગલે હમણા જ બધાને સરપ્રાઇઝ આપીને ઓકટોબરમાં લોન્ચ થનારા પીકસેલ 4 (Pixel 4) ની ડિઝાઇન જાહેર કરી દઇને નવો ચીલો ચાતર્યો છે.

બીજી બાજુ સપ્ટેમ્બરમાં લોન્ચ થનારા નવા આઇફોન 11 (Apple iPhone XI) ની ડિઝાઇન પણ લીક થઇ છે. મજાની વાત એ છે કે પીકસેલ 4 અને આઇફોનની બેકસાઇડના કેમેરા બમ્પની ડિઝાઇલ લગભગ સરખી છે. એટલે કોણે કોની કોપી કરી તે એક રહસ્ય છે અને જો યોગાનુયોગ હોય તો બહુ મજેદાર છે. ગુગલનાં પીકસેલ 4માં બે રિયર કેમેરા હોવાનું કહેવાય છે. જયારે આઇફોન 11નાં પ્રો મોડલમાં ત્રણ કેમેરા હશે. આઇફોનની ડિઝાઇનની રુમર્સ જોકે ઘણા વખતથી ચાલે છે. જો કે પ્રથમ વખત તેના ટેસ્ટીંગ થઇ રહેલા રિયલ મોડલનો ફોટો લીક થયો છે. જેની ટેક વર્લ્ડમાં ભારે ટીકા થઇ છે.

મોટા ભાગનાં લોકોએ ભારે નિરાશા વ્યકત કરીને તેને અગ્લી એટલે કે બદસુરત ગણાવી છે. બેકસાઇડનો ચોરસ કેમેરા હમ્પ ખાસ્સો ઉપસેલો હોવાની પણ શકયતા છે. આઇફોનના ડાયહાર્ડ ફેન્સને પણ ડિઝાઇન ગમી નથી અને તેઓ ઇચ્છે છે કે લીક થયેલા ફોટા ખોટા હોય. બીજી બાજુ આઇફોન્સના ફેન્સ માટે સારા સમાચાર એ છે કે આઇફોન-11નાં કેમેરામાં મોટા
સેન્સર્સ સાથે જોરદાર ઇમ્પ્રુવમેન્ટ પણ જોવા મળશે.