સુરક્ષા / Google Photosમાં Photosની પ્રાઇવેસી પર ખતરો, આ રીતે કોઇપણ વ્યક્તિ જોઇ શકે છે ફોટોઝ

ગુગલ ફોટોસને તમે તમારા અનેક ડિવાઇસ પર એકસેસ કરી શકો છો. ગુગલ ફોટોસ આમ તો સિકયોર છે. જોકે તેમાં પણ પ્રાઇવેસીને લગતો એક પ્રોબ્લેમ સામે આવ્યો છે. જેનાથી પ્રાઇવેટલી શેર કરેલા કેટલાક આલ્બમ અને ફોટા અન્ય લોકો પણ જોઇ શકે છે એટલે કે પબ્લિકલી શેર થાય છે. 

રોબર્ટ વિબલીન નામના સિકયોરિટી રિસર્ચરે આ અંગે પોસ્ટ કરીને ગુગલ ફોટોસની આ ખામી અંગે ધ્યાન દોર્યું છે. તમે જયારે તમારા ગુગલ ફોટોસના આલ્બમ કે ફોટો અન્ય કોઇ ગુગલ એકાઉન્ટ ધરાવતા મિત્ર કે સ્વજન સાથે શેર કરો છો ત્યારે તેના સિવાય એડ્રેસ બારની લીન્ક પરથી કોઇ પણ વ્યકિત તેને જોઇ શકે છે. વિબલીને વિડીયો અપલોડ કરીને બતાવ્યું છે કે કોઇ વ્યકિત સાથે શેર કરેલા ફોટો થર્ડ પાર્ટી ગુગલ એકાઉન્ટથી પણ એકસેસ થઇ શકે છે.

ગુગલ ઘણા સમયથી ફોટા શેર કરવાની સગવડ તેના યુઉઝર્સને આપી છે. જોકે ઘણા કેસમાં ફોટો ચોકક્સ કોન્ટેકટ સાથે પણ શેર થઇ જાય છે. આ પ્રોબ્લેમ ઇન્ટરફેસ સંબંધિત છે પણ તમારી પ્રાઇવેસીને ખતરામાં મુકી શકે છે. ગુગલે આ પ્રોબ્લેમ ફિક્સ કયારે કરાશે તેની કોઇ સ્પષ્ટતા કરી નથી.