ગૂગલ તેની ગૂગલ ફોટોઝ એપ માટે માટે એક નવું ચેટ ફિચર લાવી રહયું છે. જેના દ્વારા યુઝર્સ તેમના ફોટા સરળતાથી શેર કરી શકશે. ગુગલે તેના ઓlફિશિયલ બ્લોગ પોસ્ટમાં આ ફિચર કેવી રીતે કામ કરશે તે GIFથી બતાવ્યું છે. ગૂગલે કહ્યું છે કે આગામી થોડા દિવસોમાં એન્ડ્રોઇડ અને આઇઓએસ યુઝર્સને ચેટ ફીચરનો સપોર્ટ મળશે.
અગાઉ ગુગલે માર્કઅપ ટૂલ્સ જેવા ઘણા ફિચર્સ લોન્ચ કર્યા હતા. યુઝર્સને ગૂગલ ફોટોઝ એપમાં ચેટિંગ સાથે ફોટા શેર કરવાનો વિકલ્પ મળશે. આ સુવિધાનો ઉપયોગ કરવા માટે, એપ્લિકેશનમાં શેર બટન પર ટેપ કર્યા પછી સેન્ડ ઇન ગુગલ ફોટોસ સિલેકટ કરવું પડશે. તે પછી ફોટો સરળતાથી શેર થઇ જશે. આ સિવાય યુઝર્સ ઈન્સ્ટાગ્રામની જેમ ફોટા લાઇક પણ કરી શકશે અને કોમેન્ટ પણ કરી શકશે.
ગૂગલે તેના બ્લોગમાં લખ્યું છે કે અમને આશા છે કે લોકો આ ફિચરથી તેમના મિત્રો અને પરિવારના સભ્યો સાથે ફોટા આસાનીથી શેર કરી શકશે. પરંતુ આ માટે સેન્ડર અને રિસીવર,બંને પાસે ગુગલ ફોટોસનું એકાઉન્ટ હોવું જરુરી છે. ગુગલે ગયા મહિને માર્કઅપ ફિચર શરૂ કર્યું હતું. યુઝર્સ આ ફિચરથી ફોટો શેર કરતાં પહેલાં તેના પર કંઈ પણ લખી શકે છે. ઉપરાંત ફોટોના કોઈપણ ભાગને હાઇલાઇટ કરવાનો વિકલ્પ મળે છે. આ સિવાય આ ફિચરમાં યુઝર્સને બ્લેક, રેડ, યલો, ગ્રીન, બ્લુ, પર્પલ અને વ્હાઇટ કલરનો વિકલ્પ પણ આપવામાં આવ્યો છે.