હાલમાં ઓનલાઇન અથવા ડિજિટલ પેમૅન્ટનો ક્રેઝ વધી રહ્યો છે જેનું સૌથી મોટું કારણ હોય છે જે તે કંપની દ્વારા આપવામાં આવતાં રિવૉર્ડ. ગૂગલ પે ઍપ પર પહેલાં પણ તેના ગ્રાહકોને ઇનામ આપવામાં આવતા હતા ત્યારે એક નવા ફીચરથી ઍપના યુઝર્સને 1000 રૂપિયા સુધીના રિવૉર્ડ આપવામાં આવશે. જેને ઑડિયો ફીચર નામ આપવામાં આવ્યું.
સરળ પદ્ધતિથી જીતી શકાશે 1000 સુધીના રિવૉર્ડ
બધા જ યુઝર્સ લાભ ઉઠાવી શકે છે
સ્ક્રેચ કાર્ડનાં માધ્યમથી મળશે રિવૉર્ડ
ગૂગલ દ્વારા શરૂં કરવામાં નવું ફીચર
દિવાળી સમયે પણ કંપની દ્વારા આવી જ ઓફર આપવામાં આવી હતી. ગૂગલ પે તેનાં ગ્રાહકોને સમય સમય પર આ જ પ્રકારે રિવૉર્ડ આપતું રહે છે. ગૂગલ તેના પ્લેટફોર્મ ગૂગલ પૅ પર રિવૉર્ડ ફીચર શરુ કર્યું છે.
કઈ રીત મળશે રિવૉર્ડ
કંપનીએ આ પ્રકારના ઇનામ જીતવા માટે ખુબ સરળ પદ્ધતિ બનાવી છે. નવા રિવૉર્ડ જીતવા માટે ગ્રાહકોએ ઍપના પ્રમોશન સેક્શનમાં જવાનું રહેશે. જ્યાં તે ઑન-એરના નામથી એક ફીચર ઉપલબ્ધ છે. જે બાદ ગ્રાહકોએ ટેલિવિઝન અથવા યુટ્યુબ ચેનલો પર પ્રકશિત કરવામાં આવતા વિજ્ઞાપનને ગૂગલ પે ઍપ પર જ સાંભળવાની રહેશે .
તમને ફીચર ન દેખાતું હોય તો શું કરશો?
ઉલ્લેખનીય છે કે આ ઑફર બધા માટે જ ઉપલબ્ધ છે જો તમે આ ઑપશન જોઈ શકતાં નથી તો ગૂગલ એકાઉન્ટમાં જઈને લોકેશન હિસ્ટ્રીને ઑન કરી દો. ઑડિયો રિવૉર્ડ ફીચર તમને દેખાય તે બાદ જયારે ટેલિવિઝન અથવા યુટ્યુબ પર ગૂગલની ઍડ દેખાય ત્યારે ગૂગલ પે ઍપ ઓપન કરો.
જે બાદ ઑન-ઍર ઓપશન પર ક્લિક કરવું પડશે. માઈક્રોફોન પરમિશન આપ્યાં બાદ સ્માર્ટફોનને સંબંધિત ડિવાઇસના ઑડિયો સોર્સના એકદમ નજીક લઈને જવા પર તે ઑડિયોથી ગૂગલ પે ઍપ તેને ઓળખી લેશે. જે બાદ ગ્રાહકને સ્ક્રેચ કાર્ડ મળશે.