ગૂગલે આ વર્ષની શરૂઆતમાં જાહેરાત કરી હતી કે ગૂગલ પે એપ્લિકેશન દ્વારા સોનું ખરીદી અને વેચી શકાશે. આ માટે ગૂગલે ઇન્ટરનેશનલ મેટલ એન્ડ માઇનિંગ સર્વિસ પ્રોવાઇડર એમએમટીસી-પીએએમપી સાથે ભાગીદારી કરી હતી.
ગૂગલ પે લોન્ચ કરશે નવું ફિચર
યુઝર કોઈપણ સમયે સોનું ખરીદી અને વેચાણ કરી શકશે
સત્તાવાર જાહેરાત બાકી
હવે એક અહેવાલ મુજબ ગૂગલ પે એપ્લિકેશનમાં ગોલ્ડ ગિફ્ટની સુવિધા પણ ટૂંક સમયમાં ગુગલ કંપની લાવી રહી છે.રહી છે. ઉદાહરણ તરીકે અત્યારેજેમ ફંડ ટ્રાન્સફર કરી શકાય છે તેમ તમે કોઈ ખાસ પ્રસંગે કોઈને સોનાની ભેટ આપી શકો છો.તેનો ફાયદો એ છે કે તમારે ખરેખર સોનું લેવું પડતું નથી અને તે જોખમ સાથે પણ રાખવું પડતું નથી.
ગુગલે હજુ સત્તાવાર રીતે નથી આપી જાણકારી
એક્સડીએ ડેવલપર્સના એક અહેવાલ મુજબ, આ ગોલ્ડ ગિફ્ટિંગ સુવિધા ગૂગલ પેના નવા વર્ઝન પર જોવા મળી છે. જેનું ગુગલ દ્વારા હાલ પરિક્ષણ ચાલી રહ્યું છે.એપમાં નવું ફિચર ફુલપ્રુફ રીતે કામકરતું થશે પછી યુઝર્સ માટે અપડેટ આપવામાં આવશે.જોકે ગુગલે હજુ સત્તાવાર રીતે નવા ફિચર અંગે કોઇ જાણકારી આપી નથી.
ફિચર અંગે નથી કરાઇ સ્પષ્ટતા
તેમજ નવું ફિચર કયારે અપાશે તેની પણ કોઇ સ્પષ્ટતા કરી નથી. આ વર્ષે એપ્રિલમાં ગૂગલે ગૂગલ પેમાં સોનાની ખરીદી અને વેચાણની સુવિધા આપી હતી. ગૂગલ પે યુઝર્સ 99.99 ટકા 24 કેરેટ સોનું ખરીદી અને વેચી શકે છે.
યુઝર કોઈપણ સમયે સોનું ખરીદી અને વેચાણ કરી શકશે
ગૂગલના જણાવ્યા મુજબ, સોનાને સુરક્ષિત વોલ્ટમાં એમએમટીસી-પીએએમપીની દેખરેખ હેઠળ રાખવામાં આવે છે. ગૂગલ પેમાં સોનાના ભાવ દર મિનિટે રિફ્રેશ થાય છે. આવી સ્થિતિમાં યુઝર કોઈપણ સમયે સોનું ખરીદી અને વેચાણ કરી શકે છે.