મંદીના ભણકારા? / સવારે સ્વીગી તો સાંજ પડતાં ગૂગલ કર્મચારીઓને કાઢી મૂકાયા, CEO પિચાઇએ મેમો જાહેર કર્યું

• Google ની પેરેન્ટ કંપની આલ્ફાબેટ ઈન્કમાં થશે છટણી
• આશરે 12000 કર્મચારીઓને નોકરીમાંથી કરાશે મુક્ત
• સુંદર પિચાઈએ મેમો કર્યો જાહેર

પ્રખ્યાત ટેક કંપની ગૂગલ Google પણ હવે મોટાપાયે કર્મચારીઓની છટણી કરવાનું એલાન કરી રહી છે. ગૂગલની પેરેન્ટ કંપની આલ્ફાબેટ ઈન્કનાં 12 હજાર કર્મચારીઓને નોકરીથી કાઢવાનું એલાન કરવામાં આવ્યું છે. Google અનુસાર છટણી ગ્લોબલ લેવલની છે જેની સૌથી વધુ અસર અમેરિકાનાં કર્મચારીઓ પર પડશે. 

Google axes 12,000 jobs, layoffs spread across tech sector
https://t.co/AFhEAC2JW3

— Alan Nishihara (@Alan_Nishihara) January 20, 2023

12000 કર્મચારીઓની છટણી

20 જાન્યુઆરીનાં Googleની પેરેન્ટ કંપની આલ્ફાબેટે એલાન કર્યું છે કે તેઓ લગભગ 12000 કર્મચારીઓની છટણી કરશે. એટલે કે આ કંપની પોતાના ગ્લોબલ વર્કફોર્સનાં 6% જેટલો ઘટાડો કરવા જઈ રહી છે. ગૂગલનાં CEO સુંદર પિચાઈએ ઈમેલ થકી કહેવાયું કે નિકાળવામાં આવેલા કર્મચારીઓ પ્રતિ મારી સહાનૂભૂતિ છે. આ સમયે અમે જ્યાં છીએ તેની હું સમગ્ર  જવાબદારી લઉં છું. આ સિવાય સુંદર પિચાઈએ કંપનીથી નિકાળવામાં આવેલા કર્મચારીઓની મદદ કરવાનું પણ એલાન કર્યું છે.

નિકાળવામાં આવેલા કર્મચારીઓની કંપની મદદ કરશે
જે કર્મચારીઓની છટણી થઈ છે તેમને 2022નો બોનસ અને બાકીની રજાઓનાં પૈસા મળશે. સાથે જ 60 દિવસની વધારાની સેલેરી પણ આપવામાં આવશે. કંપનીએ કહ્યું કે અમે GOOGLEમાં પ્રત્યેક વધારાનાં વર્ષ માટે 16 સપ્તાહનાં વેતનની સાથે 2 સપ્તાહથી શરૂ થનારાં એક સેવરેન્સ પેકેજ પણ રજૂ કરશું. સાથે જ નિકાળવામાં આવેલા કર્મચારીઓને 6 મહિનાની હેલ્થ સુવિધા, નોકરી આપવાની સહાય અને અન્ય સહાયતા પણ આપશું.

Google layoffs‼️

Employees just got an email from Sundar Pichai saying 12000 employees will be cut, more than 6% of its global workforce. pic.twitter.com/KpERzkMvM8

— Fullstack HQ (@fullstackhq) January 20, 2023

સુંદર પિચાઈએ મોકલ્યો મેમો
આલ્ફાબેટનાં CEO સુંદર પિચાઈએ મેમો નોટમાં કહ્યું કે  Googlers, મારા પાસે શેર કરવા માટે ખરાબ સમાચાર છે. અમે આપણા વર્કફોર્સનાં 6% કર્મચારીઓને ઓછું કરવાનો નિર્ણય લીધો છે. આશરે 12000 કર્મચારીઓ ઓછાં થશે. અમે પહેલાં જ અમેરિકામાં પ્રભાવિત કર્મચારીઓને એક અલગ ઈ-મેઈલ મોકલ્યો છે. 

'પ્રતિભાશાળી લોકોને આપણે અલવિદા કહેવું પડશે'
સુંદર પિચાઈએ કહ્યું કે જે કર્મચારીઓને ઈ-મેઈલ મળ્યો છે તેનો અર્થ છે કે કેટલાક અવિશ્વસનીય રૂપે પ્રતિભાશાળી લોકોને આપણે અલવિદા કહેવું પડશે, જે લોકોને નિયુક્ત કરવા માટે અમે મહેનત કરી અને જેની સાથે અમે કામ કરવાનું પસંદ કર્યું. મને આ માટે ઘણું દુ:ખ છે. હું એ નિર્ણયોની સમગ્ર જવાબદારી લઉં છું જે અમને અહીં સુધી લઈ આવ્યાં છે. છેલ્લા 2 વર્ષોમાં આપણે અદભૂત કામ કર્યું છે અને ઘણાં આગળ વધ્યાં છીએ. 

સ્વિગી પણ કરશે છટણી

દેશમાં ઑનલાઈન ફુડ ડિલીવરીની સર્વિસ પૂરી પાડતી કંપની સ્વિગી પણ ટૂંક સમયમાં પોતાના કર્મચારીઓની છટણી કરવા જઈ રહી છે. સ્વિગીએ થોડા સમય પહેલાં ફૂડ એન્ડ ગ્રોસરી ડિલીવરી કરનારી કંપની સ્વિગીએ પોતાના કર્મચારીઓને નોકરીમાંથી મુક્ત કર્યાં છે અને સંભવત: ફરી એકવાર આ જ પગલું ભરવા જઈ રહી છે.

8-10% કર્મચારીઓ થશે આઉટ!
Swiggy પોતાના 6000નાં ટોટલ વર્કફોર્શમાંથી 8-10% કર્મચારીઓની છટણી કરવાની યોજના બનાવી રહી છે. આ છંટણીનું એક મોટું અને મહત્વનું કારણ ઓછી ફંડિગ હોય તેવું લાગી રહ્યું છે. કંપની આ સ્લોડાઉનથી મુશ્કેલીઓનો સામનો કરી રહી છે જેના પછીથી જ કંપનીમાં વધુ એક રાઉન્ડ છટણીનો કરવાનો વિચાર કરવામાં આવી રહ્યો છે.