કોરોનાથી બચવા માટે વ્યવસ્થિત રીતે હેન્ડ વોશથી હાથ વારંવાર ધોવા એ હાલના તબક્કે એક માત્ર ઉપાય છે. લોકોને કોરોના અંગે માહિતી આપવા અને જાગૃત કરવા હવે ટેક કંપનીઓ પણ આગળ આવી છે. ગુગલે હવે ગુગલ આસિસ્ટન્ટમાં એક ખાસ ફિચર એડ કર્યું છે જે લોકોને હાથ કેવી રીતે ધોવા તે અંગે ગાઇડ કરે છે.
કોરોના વાયરસથી સમગ્ર વિશ્વમાં ગંભીર સમસ્યા સર્જાઇ છે. અત્યારે સૌથી દયનીય પરિસ્થિતિ ઇટાલીમાં બની છે જ્યાં દરરોજ 1000 લોકો મરી રહ્યા છે. ભારતમાં પણ કોરોના ચેપના 800 થી વધુ કેસ નોંધાયા છે. કોરોનાના કહેરના પગલે દેશભરમાં આગામી 15 એપ્રિલ સુધી લોકડાઉનની જાહેરાત કરવામાં આવી છે.
અત્યારે કોરોનાથી બચવું અને તેની સાચી માહિતી મેળવતા રહેવું તે એકમાત્ર ઉપાય છે. લોકોને કોરોના અંગે માહિતી આપવા અને જાગૃત કરવા હવે ટેક કંપનીઓ પણ આગળ આવી છે. ગુગલે હવે ગુગલ આસિસ્ટન્ટમાં એક ખાસ ફિચર એડ કર્યું છે જે લોકોને હાથ કેવી રીતે ધોવા તે અંગે ગાઇડ કરે છે.
આ ફિચરનો ઉપયોગ કરવા માટે, પહેલા તમારે તમારા એન્ડ્રોઇડ ફોનમાં ગુગલ આસિસ્ટન્ટ ઓપન કરવું પડશે. આ પછી, ગુગલને કહેવું પડશે કે "હેલ્પ મી વોશ માય હેન્ડ". આટલો કમાન્ડ આપ્યા પછી ગુગલ આસિસ્ટન્ટ મ્યુઝીક પ્લે કરશે, અને મ્યુઝીક ચાલું રહે ત્યાં સુધી તમારે તમારા હાથ ધોવા જોઇએ.
ઉલ્લ્ખનીય છે કે વિશ્વ આરોગ્ય સંગઠને પણ લોકોને 40 સેકંડ સુધી હાથ ધોવા અપીલ કરી છે. તેથી ગુગલ આસિસ્ટન્ટ 40 સેકંડ માટે મ્યુઝીક વગાડશે. ગુગલે એક ખાસ વેબસાઇટ https://www.google.com/covid19/ શરુ કરી છે. આ વેબસાઇટ દ્વારા તમે કોરોના વાયરસના ચેપનાં લક્ષણો અને નિવારણનાં પગલાં માટેનાં ઉપાયો વાંચી શકો છો. આ સિવાય તમને આ વેબસાઇટ પર આંકડા પણ મળશે, જેના દ્વારા તમે જાણી શકશો કે વિશ્વના દેશમાં કેટલા લોકો કોરોના વાયરસથી પીડિત છે અને કેટલા લોકો આ વાયરસથી સાજા થઇ ગયા છે.