Google ને યુરોપમાં મોટો ઝટકો લાગ્યો છે. જો કે, આ અહેવાલ ફક્ત ગૂગલ માટે નહીં, પરંતુ વેબસાઈટ ઓનર્સ માટે પણ સારા નથી. એક કેસની સુનાવણીમાં ઓસ્ટ્રિયા કોર્ટનું માનવુ છે કે Google Analytics યુરોપીયન ડેટા પ્રોટેક્શન કાયદાનો ભંગ કરી રહી છે. ત્યારબાદ ઓસ્ટ્રિયામાં Google Analyticsને ગેરકાયેદસર જાહેર કરી દીધી છે.
Google ને યુરોપમાં મોટો ઝટકો લાગ્યો
Google Analytics યુરોપીયન ડેટા પ્રોટેક્શન કાયદાનો કરી રહી છે ભંગ
ઓસ્ટ્રિયામાં કોર્ટે Google Analyticsને ગેરકાયેદસર જાહેર કરી દીધી
યુરોપના નાગરિકોને પોતાના અંગત ડેટાનો વધુ કંટ્રોલ અપાયો
તો આ બધાનું કારણ General Data Protection Regulation (GDPR) છે. વર્ષ 2018માં લાગુ થયેલા જનરલ ડેટા પ્રોટેક્શન રેગ્યુલેશન હેઠળ યુરોપના નાગરિકોને પોતાના અંગત ડેટાનો વધુ કંટ્રોલ આપવામાં આવ્યો છે. આ અંકુશ ઑનલાઈન અને ઑફલાઈન બંને સ્થાનો પર છે.
શું કારણ છે?
ખરેખર, વર્ષ 2020માં કોર્ટ ઑફ જસ્ટિસ ઑફ ધ યુરોપીયન પોલિસીએ એક નિર્ણય સંભળાવ્યો હતો. જે મુજબ અમેરિકન વેબસાઈટ પ્રોવાઈડર્સ દ્વારા યુઝર્સને પર્સનલ ડેટા ઓથોરિટીઝ શેર કરવો GDPRની વિરુદ્ધ છે. જો કે, વર્ષ 2020 પહેલા પ્રાઈવસી શીલ્ડ નામનો એક કાયદો હતો, જે હેઠળ યુરોપીયન ડેટાને અમેરિકા ટ્રાન્સફર કરી શકાતો હતો. પરંતુ 16 જુલાઈ 2020ના રોજ CJEU એ આ કાયદાને અમાન્ય કર્યો. ત્યારબાદથી અમેરિકન વેબસાઈટ્સને GDPR હેઠળ કામ કરવાનુ હોય છે. 2020માં આવેલા CJEUના નિર્ણય બાદ પણ ઘણા સર્વિસ પ્રોવાઈડર્સ યુઝર્સનો અંગત ડેટા અમેરિકા મોકલી રહ્યા હતા. જેમાં Google Analytics પણ સામેલ છે.
ઉપયોગ કરનારા પર લાગી શકે છે દંડ
ઓસ્ટ્રિયા ડેટા પ્રોટેક્શન ઓથોરિટીએ CJEUના નિર્ણયને ફોલો કરીને Google Analytics ના ઉપયોગને ગેરકાયદેસર ગણાવ્યો છે. એવામાં વેબસાઈટ્સને તાત્કાલિક ઢબે આ નિયમોને માનવા પડશે. નહીંતર વેબસાઈટ્સ પર કાયદાના ભંગ હેઠળ દંડ લગાવી શકાય છે.