ફેસબૂક, ટ્વિટર અને ગૂગલ જેવી મોટી કંપનીઓએ પાકિસ્તાનને અલવિદા કહી દેવાની ધમકી આપી દીધી છે. પાકિસ્તાનના વડાપ્રધાન ઇમરાન ખાને એક જાહેરાત કરી હતી. જેમાં તેમણે કહ્યું હતું કે, પાકિસ્તાનમાં ઇન્ટરનેટ કન્ટેન્ટ ઉપર સેન્સરશિપ લાગૂ થશે.
પાકિસ્તાન સરકારે બનાવ્યો નવો કાયદો
ગૂગલ, ફેસબુક અને ટ્વિટરે આપી ધમકી
ઇન્ટરનેશનલ કંપનીને બનાવવામાં આવી નિશાન
જે પણ કંપનીઓ આ નિયમોનો ભંગ કરશે તો તે દંડને પાત્ર થશે. પાકિસ્તાન સરકારના આ કાયદાનો ખુબ વિરોધ થઇ રહ્યો છે.
વૈશ્વિક કંપનીનું પ્રતિનિધિત્વ કરનાર લોકોએ કહ્યું કે, ઇન્ટરનેશનલ કંપનીઓને આ રીતે નિશાન બનાવવામાં આવી રહ્યું છે. પાકિસ્તાનમાં બનેલો આ નવો કાયદો ચિંતા પેદા કરનારો છે.
જો આ કાયદો પાકિસ્તાનમાં લાગૂ કરવામાં આવશે તો આંતરરાષ્ટ્રીય કંપનીઓએ મજબૂરીમાં પાકિસ્તાનમાથી બિઝનેસ સમેટી લેવો પડશે. આ કંપની એશિયામાં ગૂગલ, ફેસબૂક અને ટ્વિટર જેવી સંસ્થાઓનું પ્રતિનિધિત્વ કરે છે.
પાકિસ્તાન મિડીયાના એક રિપોર્ટ પ્રમાણે બુધવારે નવા નિયમની જાહેરાત કરવામાં આવી છે. જેમાં કહેવામાં આવ્યું છે કે સોશ્યલ મિડીયા કંપનીઓ અને ઇન્ટરનેટ સર્વિસ આપનાર સંસ્થાઓએ તપાસ એજન્સી માંગે એ દરેક માહિતી આપવી પડશે. તેમાં યુઝર ડેટા પણ સામેલ હશે.