મોબાઇલ અને ઓનલાઇન ગેમિંગની વધતી લોકપ્રિયતાને પગલે ગૂગલે પણ ક્લાઉડ ગેમિંગના ફિલ્ડમાં ઝંપલાવ્યું છે. જેની ઘણા લાંબા સમયથી ચર્ચા હતી તે સ્ટેડિયા ક્લાઉડ ગેમિંગ સર્વિસ શરુ કરી છે. તેની સાથે ગુગલે હવે એક ગેમિંગ કંપનીનો દરજ્જો પણ મેળવી લીધો છે. સ્ટેડિયા દ્વારા લોકોને વેબ બ્રાઉઝર્સ અને સ્માર્ટફોન પર 4k સુધીના હાઇ રેઝોલ્યુશનમાં કન્સોલ-ગુણવત્તાવાળી વિડીયો ગેમ્સ રમવાની મજા માણી શકશે.
ગેમિંગમાં ટોચની કંપનીઓ વચ્ચે જબરદસ્ત સ્પર્ધા
ગૂગલે અમેરિકામાં દર મહિને 10 ડોલરનો ચાર્જ નક્કી કર્યો
ગુગલે પ્લે સ્ટોર પર ગેમ્સ માટેની સ્ટેડિયા એપ પણ લોન્ચ કરી
ગૂગલે 150 અબજ ડોલરના વીડિયો ગેમ બિઝનેસ પર ટોચના સ્થાને પહોંચવાનું આયોજન કરી લીધું છે. જો કે, નિષ્ણાતો કહે છે કે સ્ટેડિયાનું ભાવિ અનિશ્ચિત છે, કારણ કે ગેમિંગમાં ટોચની કંપનીઓ વચ્ચે જબરદસ્ત સ્પર્ધા છે.
ગુગલે સૌથી પહેલા તે સોની એન્ટરટેનમેન્ટના પ્લેસ્ટેશન સામે હરીફાઇનો સામનો કરવો પડશે સ્ટેડિયાને પોપ્યુલર બનાવવા માટે ગૂગલે ગયા મહિને સ્ટેડીયા કન્ટ્રોલર અને ટીવીમાં કનેકટ થતી પેન્ડન્ટ્સ જેવા ક્રોમકાસ્ટ ડિવાઇસ સાથેની ફાઉન્ડર્સ કીટ 129 ડોલરમાં વેચી હતી. સ્ટેડિયા પ્રો વર્ઝન માટે ગૂગલે અમેરિકામાં દર મહિને 10 ડોલરનો ચાર્જ નક્કી કર્યો છે. જેમાં ગેમર્સ અનલિમિટેડ ઓનલાઇન ગેમ્સ રમી શકે છે.
સ્ટેડિયા અમેરિકા અને યુરોપના 14 દેશોમાં 19 નવેમ્બરે લોન્ચ થઇ રહી છે. ગુગલે પ્લે સ્ટોર પર ગેમ્સ માટેની સ્ટેડિયા એપ પણ લોન્ચ કરી દીધી છે. સ્ટેડિયાના લોન્ચિંગ સાથે જ ગેમર્સને 22 ગેમ્સનો ઓપ્શન મળશે.
આ ગેમ્સમાં Assassin’s Creed Odyssey, Attack on Titan: Final Battle 2, Destiny 2, Farming Simulator 2019,Final Fantasy Xv, Football Manager, Grid 2019, Gylt, Just Dance 2020, Kine, Metro Exodus, Mortal Kombat 11, NBA 2K20, Rage 2, Rise of the Tomb Raider, Red Dead Redemption 2, Samurai Shadow of the Tomb Raider, Thumper, Tomb Raider 2013, Trials Rising, Wolfenstein: Youngbloodનો સમાવેશ થાય છે. જેમાંની કેટલીક ગેમ્સ અત્યત પેપ્યુલર છે.