જન્મજયંતિ / ગૂગલે ડૂડલ બનાવીને કરી આ વ્યક્તિને યાદ, જાણો કોણ છે આ મહિલા

• ગૂગલે બનાવ્યું કામિની રોયનું ડૂડલ
• કામિની રોયની આજે 155મી જન્મજયંતિ છે
• બ્રિટિશ ઈન્ડિયામાં સ્નાતક કરનારી ભારતની પહેલી મહિલા

મળો કામિની રોયને...

કામિની રોય ભારતની પહેલી મહિલા છે, જેઓએ બ્રિટિશ ઈન્ડિયામાં સ્નાતક કર્યું હતું. તે પોતાના જીવનમાં મહિલા અધિકારોને પ્રતિ સમર્પિત રહ્યા હતા. કુલીન પરિવારમાં જન્મેલી રોયના ભાઈ કોલકત્તાના મેયર રહ્યા હતા અને તેમની બહેન નેપાળના શાહી પરિવારની ફિઝિશ્યિન હતી.

મહિલાઓના અધિકાર અને અભ્યાસના હિમાયતી

તે સમયે, ભારતીય ખંડમાં, સમાજમાં મહિલાઓ વિશે ગેરસમજ હતી. તે દરમિયાન કામિની રોયે મહિલાઓના અધિકાર અને તેમના અભ્યાસની હિમાયત કરી હતી. કામિની રોયને નાનપણમાં ગણિતમાં રસ હતો, પરંતુ સંસ્કૃતમાં આગળ અભ્યાસ કર્યો. તેણે 1886માં કોલકાતાના બેથુન કોલેજમાંથી બી.એ. ઓનર્સ કર્યા અને પછી ત્યાં ભણાવવાનું શરૂ કર્યું.

અબલા બોઝે પણ આપ્યો તેમનો સાથ

કોલેજમાં તેઓ એક અન્ય વિદ્યાર્થી અબલા બોઝને મળ્યા. અબલાને મહિલા શિક્ષણ અને વિધવાઓ માટે કામ કરવામાં રસ હતો. તેમનાથી પ્રભાવિત થઈને કામિની રોયે પણ પોતાનું જીવન મહિલા અધિકાર માટે સમર્પિત કરવાનું નક્કી કર્યું.