Google Chrome યુઝર્સે સાવચેત રહેવાની જરૂર છે. CERT-In એ યુઝર્સને ઉચ્ચ સ્તરના ખતરા અંગેની ચેતવણી આપી છે. આથી નુકસાનીથી બચવું હોય તો તુરંત કરો આ કામ...
Google Chrome યુઝર્સે સાવચેત રહેવાની જરૂર
CERT-In એ યુઝર્સને ઉચ્ચ સ્તરના ખતરા અંગેની ચેતવણી આપી
તેઓએ chrome browserમાં કેટલીક મુખ્ય નબળાઈઓને પ્રકાશિત કરી
ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In) એ Google Chrome યુઝર્સને ઉચ્ચ સ્તરના ખતરા અંગેની ચેતવણી આપી છે. સાયબર ક્રાઈમ નોડલ એજન્સીએ ડેસ્કટોપ માટે ક્રોમ બ્રાઉઝરમાં કેટલીક મોટી નબળાઈઓને હાઈલાઈટ કરી છે. CERT-In ઇચ્છે છે કે, ક્રોમ યુઝર્સ તુરંત બ્રાઉઝરને લેટેસ્ટ વર્ઝનમાં અપડેટ કરે. Google એ નબળાઈઓનો સ્વીકાર કર્યો અને એક સોફ્ટવેર અપડેટના માધ્યમથી એક સુધારો જાહેર કર્યો. ત્યારે અહીં આ ફ્લો વિશે જોઇશું....
Google એ એક ઓફિશિયલ નિવેદનમાં કહ્યું કે, 'બગ વિગતો અને લિંક સુધીના ઍક્સેસને ત્યાં સુધી પ્રતિબંધિત રાખી શકાય છે કે જ્યાં સુધી મોટા ભાગના યુઝર્સને ફિક્સ સાથે અપડેટ નથી કરવામાં આવતા. જો થર્ડ પાર્ટી લાયબ્રેરીમાં બગ ઉપલબ્ધ છે તો અમે પ્રતિબંધ પણ બનાવી રાખીશું.
જાણો શું આવી રહી છે સમસ્યા?
એજન્સીએ એ બાબત પર હાઇલાઇટ કર્યું છે કે, 101.0.4951.41 પહેલાના Google Chrome વર્ઝન સોફ્ટવેરમાં નવા બગથી પ્રભાવિત થયા હતા. ખતરો મુખ્યત્વે રૂપથી માત્ર ડેસ્કટોપ યુઝર્સ માટે જ છે. ગૂગલે આ ખામીને સ્વીકારી છે અને ક્રોમ બ્લોગ પોસ્ટ પર 30 નબળાઈઓને લિસ્ટેડ કરી છે.
હેકર્સનું કામ થઈ રહ્યું છે સરળ
CERT-In એ વધુમાં જણાવ્યું કે, આ ઉચ્ચ સ્તરીય નબળાઈઓનો ઉપયોગ કરી શકાય છે અને એક દૂરસ્થ હુમલાખોરને મનસ્વી કોડ ચલાવવાની મંજૂરી આપે છે અને બદલામાં સંવેદનશીલ જાણકારી સુધી ઍક્સેસ મેળવે છે. એવું કહેવાય છે કે, આ ખામી હેકર્સને સુરક્ષા પ્રતિબંધોને બાયપાસ કરવામાં સમક્ષ બનાવે છે અને ટાર્ગેટ સિસ્ટમ પર બફર ઓવરફ્લોનું કારણ બને છે.
એજન્સીએ હાઇલાઇટ કર્યું હતું કે, 'વલ્કન, સ્વિફ્ટશેડર, એંગલ, ડિવાઇસ API, શેરિન સિસ્ટમ API, ઓઝોન, બ્રાઉઝર સ્વિચર, બુકમાર્ક્સ, ડેવ ટૂલ્સ અને ફાઇલ મેનેજર'ની મફત ઍક્સેસને કારણે આ નબળાઈઓ Google Chrome માં ઉપલબ્ધ છે.
તુરંત તમારા બ્રાઉઝરને અપડેટ કરો (Update your browser immediately)
CERT-In એ તમામ Chrome ડેસ્કટોપ યુઝર્સને બ્રાઉઝરને વર્ઝન 101.0.4951.41 પર અપગ્રેડ કરવા વિનંતી કરી છે. એજન્સીએ જણાવ્યું હતું કે, આ પહેલાંના કોઈ પણ વર્ઝન હુમલા માટે અતિ સંવેદનશીલ હોઈ શકે છે, જે અંતે સંવેદનશીલ ડેટાનું નુકસાન થઇ શકે છે.
How to update Chrome to latest version
ક્રોમ બ્રાઉઝર ઓપન કરો.
જમણા ખૂણે જાઓ અને ત્યાં ત્રણ આડા બિંદુઓના આઇકોન પર ક્લિક કરો.
ડ્રોપ ડાઉન મેનુમાં, સેટિંગ્સ વિકલ્પ શોધો.
હેલ્પ પર ક્લિક કરો અને પછી Google ક્રોમ ઓપ્શન પર ક્લિક કરો.
Chrome હવે કોઈ પણ બાકી રહેલી અપડેટને ડાઉનલોડ કરશે.