સુંદર 'પિટાઈ' / કોહલીએ મેચમાં ધોયા તો સોશ્યલ મીડિયામાં સુંદર પિચાઇએ કરી પાકિસ્તાનીઓની પિટાઈ, જબરું વાયરલ થયું ટ્વિટ

• ગૂગલનાં CEO સુંદર પિચાઇએ કર્યા ટીમ ઇન્ડિયાના વખાણ
• પાકિસ્તાની ફેનએ કર્યો પિચાઇને ટ્રોલ
• પિચાઇએ આપ્યો જોરદાર જવાબ

નવી દિલ્લી: ભારતે દિવાળીના એક દિવસ પહેલા પાકિસ્તાનને ટી20 વર્લ્ડ કપમાં હરાવી છે. મેલબર્ન ક્રિકેટ ગ્રાઉન્ડ પર થયેલા રોમાંચક ખેલમાં ટીમ ઇન્ડિયાએ છેલ્લા બોલમાં 4 વિકેટથી દેશનું નામ રોશન કરી દીધું. જેમાં વિરાટ કોહલીનું ધમાકેદાર પર્ફોર્મન્સ રહ્યું અને મેન ઑફ ધી મેચ તરીકે સ્થાન મળ્યું. ભારતનાં આ ઉત્તમ પર્ફોર્મન્સ પર ગૂગલનાં CEO એ ટ્વીટ કરી હતી.

સુંદર પિચાઇએ કરી ટ્વીટ
ગૂગલનાં સીઇઓ સુંદર પિચાઇએ ટ્વીટર પર તમામને દિવાળીની શુભેચ્છા આપી હતી. આ સાથે જ તેમણે લખ્યું કે અંતિમ 3 ઓવરને ફરી આજે જોઇને તેઓ દિવાળી ઉજવી રહ્યાં છે.  તેમણે લખ્યું કે 'શુભ દિપાવલી! આશા છે કે જે પણ આ પર્વની ઉજવણી કરી રહ્યાં છે તે તમામ પોતાના પરિવાર- મિત્રો સાથે સારો સમય વ્યતિત થતો હશે. મેં આજે ફરી છેલ્લી 3 ઓવર જોઇને દિવાળીની ઉજવણી કરી છે. શું મેચ હતી ! '

Happy Diwali! Hope everyone celebrating has a great time with your friends and family.
🪔 I celebrated by watching the last three overs again today, what a game and performance #Diwali #TeamIndia #T20WC2022

— Sundar Pichai (@sundarpichai) October 24, 2022

પાકિસ્તાનીએ કર્યો ટ્રોલ
સુંદર પિચાઇની આ પોસ્ટથી ઓફેન્ડ થયેલા એક પાકિસ્તાની યૂઝરે તેમને ટ્રોલ કરવાનો પ્રયાસ કર્યો હતો. તેણે લખ્યું કે 'તમને શરૂઆતની 3 ઓવર જોવી જોઇતી હતી.'

સુંદર પિચાઇએ કર્યો વળતો પ્રહાર
આ પાકિસ્તાની યૂઝરના ટ્વીટનો પિચાઇએ જોરદાર જવાબ આપતાં લખ્યું કે, 'તે પણ જોઇ. ભુવી અને અર્શદીપે શું સ્પેલ નાખ્યો હતો! ' પિચાઇના આ જવાબ પર ગજબ રિએક્શન આવી રહ્યાં છે. એક યૂઝરે તો લખ્યું કે ' સુંદર પિટાઇ!'

આવી હતી મેચ
પાકિસ્તાનના બેટ્સમેન બાબર આઝમ અને રિઝવાનએ ગયાં વર્ષે ટી20 વર્લ્ડ કપમાં ભારત સામે 152 રનથી જીત મેળવી હતી. પરંતુ અર્શદીપએ આ મેચમાં બંનેને રવાના કર્યાં. બાબર આઝમ ગોલ્ડન ડક થયાં તો રિઝવાને 12 બોલમાં માત્ર 4 રન જ બનાવ્યાં. મેચની શરૂઆતમાં જ ભુવનેશ્વરે રિઝવાનને 6 ડોટ બોલ ફેંક્યાં પરંતુ તેને એક પણ બોલ સમજ આવી નહીં.