ટેક દિગ્ગજ કંપની ગૂગલે મદ્રાસ હાઇકોર્ટના નિર્દેશોનુ પાલન કરતા ભારતમાં પૉપ્યુલર વીડિયો શૅરિંગ એપ TikTokને બ્લોક કરી દેવામાં આવ્યુ છે, એટલે કે આ એપ ગૂગલ પ્લે સ્ટોર પરથી ડાઉનલોડ નહી કરી શકાય. ભારતમાં TikTokનુ મોટુ માર્કેટ છે અને ગૂગલથી સંચાલિત એન્ડ્રોઇડ સ્માર્ટફોન્સ પણ ઘણા છે. હાલમાં iOSથી હટાવવાની જાણકારી નથી મળી.
તાજેતરમાં કોર્ટે કેન્દ્ર સરકારને TikTok એપ પર પ્રતિબંધ લગાવવા માટે કહ્યુ હતુ. પ્રતિબંધ કરવા માટેનુ કારણ આ એપ પ્રોનોગ્રાફિક કન્ટેન્ટને પ્રોત્સાહન આપે છે. ચીનની કંપની Bytedance ટેક્નોલોજીએ કોર્ટથી TikTok એપ પરથી પ્રતિબંધ દૂર કરવાની માંગ કરી હતી, જોકે કોર્ટે અપીલ ફગાવી દીધી જે પછી ગૂગલે એપ હટાવવા માટેનો નિર્ણય કર્યો.
મદ્રાસ હાઇકોર્ટે 3 એપ્રિલના કેન્દ્ર સરકારને TikTok પર પ્રતિબંધ હટાવવા માટે કહ્યુ. કોર્ટે કહ્યુ કે, TikTokને પ્રતિબંધ લગાવવાનો નિર્ણય એક વ્યકિત દ્વારા કરવામાં આવેલી અરજી પછી લેવામાં આવ્યો છે.
IT મંત્રાલયના એક અધિકારી અનુસાર, કેન્દ્રે હાઇ કોર્ટના આદેશ પછી એપલ અને ગૂગલને એપ પ્રતિબંધ કરવા માટે પત્ર લખવામા આવ્યો હતો. સરકારે ગૂગલ અને એપલને મદ્રાસ હાઇકોર્ટનો આદેશ પાલન કરવા માટે કહ્યુ. મંગળવારે મોડી રાત સુધી iOS એપ TikTok હતુ, જ્યારે ગૂગલ પ્લે સ્ટોર એપ પરથી હટાવી દેવામાં આવ્યુ.
સોમવારે આ મામલામાં સુપ્રીમ કોર્ટની સુનાવણી કરવામાં આવી, જેમાં કોર્ટે કહ્યુ કે, હાલમાં આ મામલામાં સુનાવણી મદ્રાસ હાઇ કોર્ટમાં થઇ રહી છે, એવામાં સુપ્રીમ કોર્ટ તેણે સુનાવણી 22 એપ્રિલના કરશે. જોકે સુપ્રીમ કોર્ટે આ દરમિયાન એપને લઇને મદ્રાસ હાઇકોર્ટના નિર્ણય પર સ્ટે લગાવવા માટે ઇન્કાર કરી દીધો હતો.