સુરત જિલ્લાના ઓલપાડના કુડસદ રેલવે સ્ટેશન પર એક મોટી દુર્ઘટના બનતા બનતા રહી ગઈ. માલગાડીની એક બોગીમાં આગ લાગી હતી. જોકે હાલ આગ પર કાબૂ મેળવી લેવાયો છે.
ઓલપાડ પાસે માલગાડીની એક બોગીમાં લાગી આગ
ઓલપાડના કુડસદ રેલવે સ્ટેશનની ઘટના
માલગાડીને 1 કલાકથી વધુ સમય અટકાવી
સુરતના કુડસદ રેલવે સ્ટેશન પર જ ગુડ્સ ટ્રેનમાં આગ લાગતા અટકાવાઈ હતી. એક બોગી આગ લાગતા માલગાડીને 1 કલાકથી પણ વધુ સમય અટકાવી હતી. ગુડ્સટ્રેનમાં કોલસા લઇ જવામાં આવતો હતો. ગેટમેને આગની ઘટના અંગે જાણ કરાતાં તાત્કાલિક ટ્રેનને રોકી દેવાઈ હતી.
સમયસૂચકતાને કારણે મોટી દુર્ઘટના ટળી હતી. આગને કાબૂમાં લેવામાં આવી હતી. તો આ ડબ્બાને પણ અલગ કરી દેવાયો હતો. જોકે આ આગની ઘટના બનતા રેલ વ્યવહારને ભારે અસર પહોંચી છે. આ રૂટની તમામ ટ્રેનોના સમયમાં ફેરફાર થયા છે.