ખુશખબરી: હવાઇ યાત્રીઓને મોટી ભેટ આપવા ડ્રાફ્ટ પોલિસી તૈયાર

નવી દિલ્હી: હવાઇ યાત્રા કરનાર યાત્રીઓને કેન્દ્ર સરકાર તરફથી મોટી રાહત મળી રહી છે. હવે યાત્રી ટિકીટ કેન્સલ કરાવવાની સાથે જ પૂરું રિફંડ મળી શકશે. આ નિયમ દરેક દેશી અને વિદેશ અરલાયન્સ કંપનીઓ પર લાગૂ થશે. 

નાગરિક ઉડ્ડયન રાજ્યમંત્રી જયંત સિન્હાએ મંગળવારે હવાઇ યાત્રીઓ માટે ઘણા ભેટોની જાહેરાત કરી છે. પેપરલેસ યાત્રા માટે ડિજીયાત્રાની શરૂઆતની સાથે જ કેન્સલેશન ચાર્જ પર મોટી રાહત મળવા જઇ રહી છે. સરકાર એને લઇને ડ્રાફ્ટ ચાર્ટર લઇને આવી છે જેની પર દરેક પક્ષો પાસેથી મંતવ્ય માંગ્યું છે. 2 મહિનાની અંદર આ પ્રસ્તાવોને લાગૂ કરવામાં આવી શકે છે. 



ટિકીટ કેન્શલેશન પર રાહત
ડ્રાફ્ટમાં જોગવાઇની જાણકારી આપતાં એવિએશન મિનિસ્ચર જયંત સિંહાએ કહ્યું કે જો ફ્લાઇટ બુકિંગના 24 કલાકની અંદર યાત્રી ટિકીટ કેન્સલ કરી દે છે તો એના માટે કોઇ કેન્સલેશન ચાર્જ આપવો પડશે નહીં. આ ઉપરાંત આ સમયસીમાની અંદર ટિકીટમાં અન્ય પ્રકારના ફેરફાર પણ મફતમાં કરાવી શકો છો.

કોઇ ચાર્જ વગર કેન્સલેશન
આ ઉપરાંતયાત્રા સમયથી 96 કલાક પહેલા સુધી ટિકીટ કેન્સલ કરવા પર પણ કોઇ ચાર્જ આપવો પડશે નહીં. મંત્રીએ એવું પણ સ્લષ્ટ કર્યું કે કોઇ પણ હાલતમાં કેન્સલેશન ચાર્જ બેસિક ફેયર અને ફ્યૂલ ચાર્જના જોડથી વધારે હોઇ શકે નહીં. 



નાગિરક ઉડ્ડયન રાજ્યમંત્રીએ કહ્યું કે જો એરલાયન્સ કંપનીઓની ભૂલના કારણે ફ્લાઇટ ડિલે થાય છે તો એમને યાત્રીઓને એનું વળતર આપવું પડશે. જો ફ્લાઇટ બીજા દિવસ સુધી ડિલે રહે છે તો કોઇ પણ વધારેના ચાર્જ વગર યાત્રીઓને હોટલમાં રોકાવવાની વ્યવસ્થા કરવી પડશે. કેનેક્ટિંગ ફ્લાઇટ મિસ થવા પર પણ કંપનીઓને વળતર આપવું પડશે. ફ્લાઇટ વધારે ડિલે થવાની સ્થિતિમાં યાત્રી ટિકીટ કેન્સલ કરાવી શકો છે અને એને પૂરા પૈસા રિફંડ કરી દેવામાં આવશે. 



સરકારએ કહ્યું કે વિશેષ આવશ્યક્ત વાળા યાત્રીઓ માટે વિશેષ જોગવાઇ કરવામાં આવશે. એની સાથે જ  સરકાર ઘરેલૂ હવાઇ યાત્રીઓને પેપરલેસ સફરની સુવિધા આપવા જઇ રહી છે. એના માટે યાત્રીઓને એક યૂનીક નંબર પ્રાપ્ત કરવો પડશે. યાત્રા સમયે એરપોર્ટ પર એમને માત્ર આ નંબર જણાવવો પડશે. આવું કરીને એમના સમયની બચત કરી શકો છો.