ભારતમાં શુક્રવારના રોજ Sputnik V વેક્સિન આપવામાં આવી છે, જેની જાણકારી ટ્વિટર દ્વારા આપવામાં આવી
અત્યારે ભારતમાં કોવિશિલ્ડ અને કોવેક્સિન આપવામાં આવી રહી છે
ભારત આ વેક્સિનના 8.5 કરોડ ડોઝ આ વર્ષમાં તૈયાર કરીને લોકોને આપશે
Sputnik V વેક્સિનને હજી સુધી WHO કે અમેરિકાની FDA એ મંજૂરી આપી નથી
અત્યાર સુધી ભારતમાં કોવિશિલ્ડ અને કોવેક્સિન આપવામાં આવી રહી છે
અત્યાર સુધી ભારતમાં કોવિશિલ્ડ અને કોવેક્સિન આપવામાં આવી રહી છે. પણ શુક્રવારે ભારતમાં પ્રથમવાર Sputnik V વેક્સિન આપવામાં આવી છે. ટ્વિટ કરતાં લખ્યું કે ભારતમાં પહેલો ડોઝ Sputnik V નો આપવામાં આવ્યો છે. અમને ગર્વ છે કે કોરોનાની આ લડતમાં અમે ભારતની સાથે છીએ. અત્યાર સુધી ભારત પાસે કોવિશિલ્ડ અને કોવેક્સિન જ ઉપલબ્ધ હતી.
First doses of Sputnik V administered in India. Deepak Sapra, Global Head of Custom Pharma Services at Dr Reddy's Laboratories receives the first jab of the vaccine in Hyderabad: Sputnik V#COVID19pic.twitter.com/95eOT6gGWR
ભારત આ વેક્સિનના 8.5 કરોડ ડોઝ આ વર્ષમાં તૈયાર કરીને લોકોને આપશે
આ વેક્સિનનું ઉત્પાદન પણ ભારતમાં થશે. આશા છે કે ભારત આ વેક્સિનના 8.5 કરોડ ડોઝ આ વર્ષમાં તૈયાર કરી આપી રહેશે. વેક્સિન લેનાર પ્રથમ વ્યક્તિનું નામ દિપક સપરા છે, જે ડૉ . રેડ્ડી લેબમાં કસ્ટમ ફાર્મા સર્વિસના ગ્લોબલ હેડ છે. આ વેક્સિન હૈદરાબાદમાં આપવામાં આવી. સૂત્રોના જણાવ્યા મુજબ Sputnik Vના દોઢ લાખ ડોઝ મે મહિનામાં ભારત આવી ગયા છે. પ્રોટોકોલ મુજબ તેમાંથી 100 સેમ્પલ સેન્ટ્રલ ડ્રગ લેબમાં રાખવામાં આવ્યા છે, જે હિમાચલ પ્રદેશના કસોલીમાં છે.
Sputnik V વેક્સિનને હજી સુધી WHO કે અમેરિકાની FDA એ મંજૂરી આપી નથી
ભારતમાં કોવિશિલ્ડ અને કોવેક્સિન વેક્સિનનું રસીકરણ અભિયાન ચાલી રહ્યું છે. કેન્દ્ર સરકાર આ બંને વેક્સિન 250 રૂપિયાની કિંમતે ખરીદે છે અને ઉત્પાદકો પ્રાઇવેટ હોસ્પિટલમાં અલગ અલગ નક્કી કરેલ કિંમત મુજબ આપે છે. સરકારી સૂત્રોએ જણાવ્યા મુજબ વિદેશથી આવતી વેક્સિનના અલગ અલગ પ્રોટોકોલ હોય છે. જે DCGI એ લાગુ છે, તેમના અનુસાર ભારતમાં આવનાર દરેક વેક્સિનની બેચ આ પ્રક્રિયા મુજબ જ ગુજરશે. જેમાં વેક્સિનને દરેક રીતે ચકાસવામાં આવે છે, ત્યારબાદ તેને ઉપયોગમાં લેવામાં આવે છે. હાલમાં ભારતમાં વેક્સિનની અછત છે ત્યારે સૂત્રોએ જણાવ્યું કે વેક્સિન ટેસ્ટિંગની પ્રક્રિયા 28 દિવસની હોય છે પણ ઇમરજન્સીના લીધે 10 દિવસમાં ટેસ્ટિંગ કરવામાં આવે છે. મુખ્ય વાત એ છે કે Sputnik V વેક્સિનને હજી સુધી WHO કે અમેરિકાની FDA એ મંજૂરી આપી નથી, તેના કારણે જ ભારતમાં બેચ ટેસ્ટિંગનો પ્રોટોકોલ બનાવ્યો છે.