IPLIN
 
  • Home
  • Business
  • good news rs 2000 will come in farmers account tomorrow check your name in the list like this

સારા સમાચાર / આવતીકાલે ખેડૂતોના ખાતામાં મોદી સરકાર જમા કરાવશે 2000 રૂપિયાનો 9મો હપ્તો, જાણો લિસ્ટમાં તમારું નામ છે કે નહીં

Team VTV 08:04 AM, 08 Aug 21
Follow us
good news rs 2000 will come in farmers account tomorrow check your name in the list like this

પીએમ કિસાન સમ્માન નિધિ યોજનાને કેન્દ્રની મોદી સરકારે 24 ફેબ્રુઆરી 2019માં શરૂ કરી. જેનો 9મો હપ્તો આવતી કાલે ખેડૂતોને મળશે.

  • મોદી સરકાર જમા કરશે ખેડૂતોનો 9મો હપ્તો
  • 9 ઓગસ્ટ 2021ના રોજ જમા કરાશે 2000 રૂપિયા
  • આ રીતે ચેક કરો લિસ્ટમાં તમારું નામ 

દર વર્ષે લગભગ 12.11 કરોડ ખેડૂતોને કિસાન સમ્માન નિધિયોજના મળી રહે છે. જો તમે ખેડૂત છો અને મોદી સરકારની આ સ્કીમનો લાભ નથી લીધો તો તમે જરા પણ મોડું કર્યા વિના રજિસ્ટ્રેશન કરાવી શકો છો. રજિસ્ટ્રેશન બાદ વેરિફિકેશન થયા પછી તમે પણ 9મો હપ્તો મેળવી શકો છો. 
 


જાણો કેવી રીતે કરશો એપ્લાય
પીએમ કિસાન સમ્માન નિધિનો લાભ લેવા માટે પહેલા ખેડૂતે ઓનલાઈન પોર્ટલ pmkisan.gov.in પર રજિસ્ટ્રેશન કરવાનું રહે છે. આ સાઈટ તમને ફાર્મર્સ કોર્નરના ઓપ્શનમાં દેખાશે. અહીં જઈને તમે ન્યૂ ફાર્મર રજિસ્ટ્રેશન પર ક્લિક કરો. અહીં તમારા આધાર નંબર, કેપ્ચા ભરવાનું કહેવાશે. આ પછી એક ફોર્મ ઓપન થશે જેમાં તમારી ડિટેલ માંગવામાં આવશે. બેંક એકાઉન્ટની ડિટેલ્સ પણ આપવાની રહેશે. આ સેવ કર્યા બાદ એક નવું પેજ ખુલશે અને તેમાં જમીનની જાણકારી રવાની રહેશે. તેમાં ખસરા નંબર અને ખાતા નંબર લખવાનો રહે છે. આ પછી રજિસ્ટ્રેશનની પ્રક્રિયા પૂરી થશે. 

ખેડૂતના નામે જમીન હોવું જરૂરી
નિયમ અનુસાર આ યોજનાનો લાભ લેવા માટે જમીન ખેડૂતના નામે હોય તે જરૂરી છે. એટલું નહીં ખેડૂતના દાદા કે પિતાના નામે જમીન છે તો પણ તે આ યોજનાનો લાભ લઈ શકશે નહીં. ફક્ત એ ખેડૂતોને આ લાભ મળશે જેના પોતાના નામ પર 2 હેક્ટર કે તેનાથી ઓછી જમીન હશે. 

શું છે યોજના
પીએમ કિસાન સમ્માન નિધિ યોજનામાં લાભાર્થી ખેડૂતને વર્ષે 6000 રૂપિયા 2000ના હપ્તામાં મળે છે. આ યોજનામાં દરેક હપ્તામાં એક ખેડૂતને 2000 રૂપિયાની રકમ ખાતામાં મળે છે. મોદી સરકાર માને છે કે આ યોજનાથી ખેડૂત પરિવારો પોતાની જરૂરિયાતો પૂરી કરવામાં મદદ મેળવી શકે છે. ખેડૂતો પણ મોદી સરકારની આ યોજનાથી ખુશ જોવા મળે છે. 

આ રીતે લિસ્ટમાં ચેક કરી લો તમારું નામ

  • સૌ પહેલા તો તમે પીએમ કિસાન યોજનાની અધિકૃત સાઈટ પર  https://pmkisan.gov.in  પર જાઓ. 
  • અહીં હોમ પેજ પર તમને   Farmers Cornerનો ઓપ્શન દેખાશે. 
  • અહીં તમે  Farmers Corner સેક્શનમાં  Beneficiaries List પર ક્લિક કરો.
  • હવે ડ્રોપ ડાઉન લિસ્ટથી રાજ્ય, જિલ્લા અને ઉપજિલ્લા સાથે બ્લોક અને ગામની વિગતો ભરે. 
  • આ પછી  Get Report  પર ક્લિક કરો. આ પછી લાભાર્થીનું લિસ્ટ સામે આવશે. તેમાં તમારું નામ ચેક કરી શકો છો.  

 
 

rs 2000 pm kisan scheme 9th installment 9th august Business News 9મો હપ્તો ખેડૂતો પીએમ કિસાન યોજના સ્કીમ લાભ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ