નિર્ણય / સસ્તા ક્રૂડ ઓઇલ પર ગુડ ન્યૂઝ! રશિયાએ ભારત માટે લીધો આ મોટો નિર્ણય: રિપોર્ટ 

•  રશિયાનું ડોલરની જગ્યાએ દિરહમમાં કારોબાર કરવાનું જોર આપ્યું
• ભારતને તેલ વેચવા માટે દિરહામમાં ચૂકવણીની માંગણી કરી
• ચીન પછી ભારત રશિયન તેલનો સૌથી મોટો ખરીદદાર છે

 યુક્રેન  સાથેના યુદ્ધના કારણે અમેરિકા સહિત ઘણાં પશ્ચિમી દેશોએ રશિયા પર કડક પ્રતિબંધો  લગાડવામાં આવ્યો છે. જેનો જડબાતોડ જવાબ આપવાના પ્રયાસ કરતાં રશિયાએ મોટો નિર્ણય લીધો છે. એક  મીડિયા રિપોર્ટ અનુસાર રશિયાએ ભારતીય કંપનીઓ કાચા તેલની આયત કરવાના ભાગરૂપે રશિયાએ UAEની મુદ્રા દિરહમમાં કરવાની માંગ કરી હતી.તમને જણાવી દઈએ કે, પશ્ચિમી દેશોએ રશિયા પર પ્રતિબંધોના કારણે રશિયાએ યુએસ ડોલરમાં વેપાર કરવાનું ટાળી રહ્યું છે.  

ચીન પછી ભારત રશિયન તેલનો સૌથી મોટો ખરીદદાર છે

રિપોર્ટ અનુસાર ભારતની એક તેલ કંપનીએ આપવામા આવેલા કાચા તેલના ઇનવોઇસ દર્શાવે છે કે આ કાચા તેલની નિકાસની ગણતરી ડોલરમાં કરવામાં આવી હતી પરંતુ રશિયાએ આ ભારતીય કંપનીને દિરહામમાં ચૂકવણી કરવા વિનંતી કરી હતી.રશિયાની સૌથી મોટી ઓઈલ કંપની રોસનેફ્ટ યુએઈ સ્થિત ટ્રેડિંગ કંપનીઓ એવરેસ્ટ એનર્જી અને કોરલ એનર્જી દ્વારા ભારતમાં ક્રૂડ ઓઈલની નિકાસ કરી રહી છે. ચીન પછી ભારત રશિયન તેલનો સૌથી મોટો ખરીદદાર છે
 
યુક્રેન યુદ્ધને ઘણાં પશ્ચિમી દેશોઓ રશિયા પાસે તેલ ખરીદી બંઘ કરી દીધું 

ઉલ્લેખનીય છે કે, યુક્રેન યુદ્ધને કારણે પશ્ચિમી પ્રતિબંધોને કારણે, ઘણા તેલ આયાતકારોએ પોતાને રશિયન તેલથી દૂર કરી દીધા. આ કારણે રશિયાએ ભારે ડિસ્કાઉન્ટ પર તેલ વેચવું પડી રહ્યું છે. રશિયા પાસેથી આ ભારે ડિસ્કાઉન્ટેડ તેલનો લાભ લેનારાઓમાં ભારત પણ સામેલ છે, જે સામાન્ય રીતે ઊંચા પરિવહન ખર્ચને કારણે ઓછું રશિયન તેલ ખરીદે છે. રશિયા, જૂનમાં સાઉદી અરેબિયાને પાછળ ધકેલ્યું ભારતને તેલનો બીજો સૌથી મોટો સપ્લાયર બન્યું હતું. ઈરાક પ્રથમ સ્થાને છે.

બે ભારતીય ઓઈલ કંપનીઓ રશિયાને પહેલાથી જ દિરહામમાં ચૂકવણી કરી ચૂકી છે

સૂત્રોનું કહેવું છે કે બે ભારતીય ઓઈલ કંપનીઓ રશિયાને પહેલાથી જ દિરહામમાં ચૂકવણી કરી છે . આગામી દિવસોમાં રશિયાને દિરહામમાં વધુ ચૂકવણી કરવામાં આવી શકે છે. ઈન્વોઈસ દર્શાવે છે કે દુબઈમાં રશિયાની કોરસપોન્ડેંટ બેંક, મશરેક બેંક મારફત ગેઝપ્રોમ્બેન્ક બેંકને ચૂકવણી કરવામાં આવી હતી. પશ્ચિમી દેશોના દબાણ છતાં,UAEએ પોતાનું તટસ્થ વલણ જાળવી રાખ્યું હતું અને રશિયા પર પ્રતિબંધો કોઈપણ દબાણ લાદ્યું ન હતું. યુએઈના ચલણ દિરહામમાં કરવામાં આવેલી આ ચુકવણી પશ્ચિમી દેશોમાં ગભરાટનું કારણ બની શકે છે.

રશિયાના વિદેશમંત્રી  તાજેતરમાં કહ્યું કે રશિયા ભારત જેવા દેશો સાથે બિન-પશ્ચિમી ચલણ વેપાર કરવા માંગે છે

સૂત્રોનું કહેવું છે કે રશિયન તેલ કંપની રોસનેફ્ટની ટ્રેડિંગ કંપનીઓએ તેલ ખરીદનારાઓને આ મહિનાથી દિરહામમાં ચૂકવણી કરવાનું કહ્યું છે. રશિયાના વિદેશ પ્રધાન સર્ગેઈ લવરોવે એપ્રિલમાં કહ્યું હતું કે રશિયા ભારત જેવા દેશો સાથેના વેપારમાં બિન-પશ્ચિમી ચલણોનો ઉપયોગ વધારવા માંગે છે.રશિયાનું ચલણ વિનિમય દિરહામ અને ઉઝબેકિસ્તાનના ચલણમાં વેપાર શરૂ કરવાની તૈયારી કરી રહ્યું છે. તમને જણાવી દઈએ કે, ભારતીય રિઝર્વ બેંકે ગયા અઠવાડિયે રૂપિયામાં આંતરરાષ્ટ્રીય વેપાર માટે નવી મિકેનિઝમ રજૂ કરી હતી. જેનાથી  રશિયા અને ઈરાન જેવા દેશો સાથે વેપાર કરવાની ભારતનો કારોબારના રૂપ જોવામાં આવી રહી છે જેના પર પશ્ચિમી દેશોએ કડક આર્થિક પ્રતિબંધો લગાવ્યા છે.