મુંબઇ: બોલીવુડ અભિનેતા ઇરફાન ખાનના પ્રશંસકો માટે તાજેતરમાં જ સારા સમાચાર છે. લંડનમાં ન્યબરોએન્ડોક્રાઇન ટ્યૂમર જેવા ખતરનાક કેન્સરની સારવાર કરાવી રહેલો ઇરફાન મુંબઇ આવી રહ્યો છે. સૂત્રોનું માનીએ તો 1-2 દિવસની અંદર એ મુંબઇ પરત ફરશે.
ઇરફાન પરત આવતા જ સુપરહિચ ફિલ્મ 'હિંદી મીડિયમ 2' ના શૂટિંગમાં વ્યસ્ત થઇ જશે. હિંદી મીડિયમ 2 નું શૂટિંગ ડિસેમ્બરના પહેલા સપ્તાહમાં શરૂ થવાનું છે.
જ્યારે ઇરફાને પોતાની ખતરનાક બિમારીઓ માટે સોશિયલ મીડિયા પર જણાવ્યું તો એના પ્રશંસકોમાં નિરાશા ફેલાઇ ગઇ હતી. દરેક લોકો એના જલ્દી ઠીક થવાની પ્રાર્થના કરતાં હતા.
વર્કફ્રંટની વાત કરીએ તો ઇરફાન ખાનની છેલ્લી ફિલ્મ 'કારવા' હતી. આ ફિલ્મને દર્શકોએ ખૂબ પસંદ કરી હતી.