સારાં સમાચાર / રામાયણ અને મહાભારત બાદ દૂરદર્શનની નવી ગિફ્ટ, આ સુપરહિટ કોમેડી શો થશે ચાલુ

• કોરોના સંકટમાં લોકોના મનોરંજન માટે દૂરદર્શનની ભેટ
• ફેન્સના ટાઈમપાસ માટે હવે આ કોમેડી શો પણ ફરી શરૂ થશે
• લોકો ઘરમાં રહે અને સેફ રહે તે માટે દૂરદર્શનની પહેલ

દૂરદર્શન નેશનટે ટ્વિટ કરીને ફેન્સને આ ભેટ આપી છે. આઈકોનિક કોમિક શો દેખ ભાઈ દેખમાં દિવાન ફેમિલીની ત્રણ પેઢીઓની વચ્ચે ખૂબ જ સારી બોન્ડિંગ બતાવવામાં આવી હતી. આ શોનું રિપીટ ટેલિકાસ્ટ સાંજે 6 વાગ્યે દૂરદર્શન પર બતાવવામાં આવશે. આ જાહેરાતથી ફેન્સ ઘણાં ખુશ છે. જોકે, દૂરદર્શને આ ટ્વિટ 1 એપ્રિલે કહ્યું હતું, જેથી લોકોને લાગ્યું કે, દૂરદર્શન દર્શકોને એપ્રિલ ફુલ બનાવી રહ્યું છે. 

Watch iconic comic show #DekhBhaiDekh which beautifully shows the unique bonding between the three generations of the Diwan family at 6 pm ONLY on @DDNational pic.twitter.com/pwVRlegfBJ

— Doordarshan National (@DDNational) April 1, 2020

શો દેખ ભાઈ દેખમાં શેખર સુમન, નવીન નિકોલ, ફરીદા જલાલ, ભાવના બાવસવર, દેવેન ભોજાની, સુષમા સેઠ, વિશાલ સિંગ, નતાશા સિંહે મુખ્ય ભૂમિકા ભજવી હતી. આ શો 6 મે 1993એ ડીડી મેટ્રો પર ઓનએર થયો હતો. તેના 65 એપિસોડ હતા. દેખ ભાઈ દેખ ટેલિવિઝન પર જબરદસ્ત હિટ થયું હતું. 

દૂરદર્શન સિવાય અન્ય ચેનલો પણ જૂના શોઝ રિ-ટેલિકાસ્ટ કરી રહી છે. મેકર્સ તેના સક્સેસફુલ શોઝ લોકડાઉનમાં ફરી ટેલિકાસ્ટ કરવાની કોશિશ કરી રહ્યાં છે. કેટલીક ચેનલ્સ પર તો વેબ સીરિઝ પણ ટેલિકાસ્ટ કરવામાં આવી રહી છે.