ઇન્સ્ટિટ્યૂટ ઑફ બેન્કિંગ પર્સનલ સિલેક્શન (IBPS) એ વિવિધ બેન્કોમાં POની જગ્યા પર ભરતી માટે અરજીઓ મંગાવી
બેન્કમાં નોકરી શોધી રહેલા ઉમેદવારો માટે મોટા સમાચાર
ઇન્સ્ટિટ્યૂટ ઑફ બેન્કિંગ પર્સનલ સિલેક્શને વિવિધ બેન્કોમાં ભરતી બહાર પાડી
ઉમેદવારો આ જગ્યાઓ માટે 22 ઓગસ્ટ સુધીમાં અરજી કરી શકે છે
દેશમાં ફરી એકવાર નોકરી શોધી રહેલા લોકો માટે મોટા સમાચાર સામે આવ્યા છે. વિગતો મુજબ બેન્કમાં નોકરી શોધી રહેલા ઉમેદવારો માટે સારી તક છે. ઇન્સ્ટિટ્યૂટ ઑફ બેન્કિંગ પર્સનલ સિલેક્શન (IBPS) એ વિવિધ બેંકોમાં POની જગ્યા પર ભરતી માટે અરજીઓ મંગાવી છે. જેથી રસ ધરાવતા ઉમેદવારો આ જગ્યાઓ માટે 22 ઓગસ્ટ સુધીમાં અરજી કરી શકે છે. આ જગ્યાઓ અરજી કરવા માટે ઉમેદવારોએ સત્તાવાર વેબસાઇટ ibps.inની મુલાકાત લેવી પડશે.
સત્તાવાર સૂચના અનુસાર, દેશભરની વિવિધ બેંકોમાં 6432 પદો પર ભરતી કરવામાં આવશે. આ બેંકોમાં બેંક ઓફ ઈન્ડિયા, કેનેરા બેંક, પંજાબ નેશનલ બેંક, પંજાબ એન્ડ સિંધ બેંક, યુકો બેંક અને યુનિયન બેંક ઓફ ઈન્ડિયાનો સમાવેશ થાય છે. જેમાં અલગ-અલગ બેન્કોમાં ભરતી બહાર પડાઈ છે.
અરજી માટે શું લાયકાત ?
આ જગ્યાઓ માટે અરજી કરનારા ઉમેદવારો પાસે માન્ય યુનિવર્સિટીમાંથી કોઈપણ ક્ષેત્રમાં સ્નાતકની ડિગ્રી હોવી જોઈએ. બીજી તરફ, જો વય મર્યાદા વિશે વાત કરીએ તો, ઉમેદવારોની ઉંમર 20 થી 30 વર્ષ નક્કી કરવામાં આવી છે. આ પદો પર પસંદગી પામેલા ઉમેદવારોને 14500 થી 25700 રૂપિયા સુધીનો પગાર આપવામાં આવશે.
અરજી માટે કેટલી ફી ?
જો આપણે એપ્લિકેશન ફી વિશે વાત કરીએ તો જનરલ / OBC / EWS એ 850 રૂપિયાની એપ્લિકેશન ફી ચૂકવવી પડશેતો SC/ST/PWDએ 175 રૂપિયાની અરજી ફી ચૂકવવી પડશે. આ પદો માટે ઉમેદવારોની પસંદગી ત્રણ તબક્કામાં કરવામાં આવશે. જેમાં પ્રથમ તબક્કો- પ્રારંભિક પરીક્ષા, બીજા તબક્કાની મુખ્ય પરીક્ષા અને ત્રીજા તબક્કામાં ઇન્ટરવ્યુ કરવામાં આવશે.