GOOD NEWS / અમદાવાદ-મુંબઈ વચ્ચે સફર કરતાં હજારો લોકો માટે ગુડ ન્યૂઝ! રેલવેએ જુઓ શું કર્યું એલાન 

• અમદાવાદ-મુંબઈ વચ્ચે સફર કરતાં લોકો માટે મોટા સમાચાર 
• તેજસ એક્સપ્રેસ ટ્રેન હવે સપ્તાહમાં પાંચ નહીં છ દિવસ દોડશે
• તેજસ એક્સપ્રેસ ટ્રેનમાં અત્યાધુનિક સુવિદ્યાઓથી સજ્જ છે 

અમદાવાદ-મુંબઈ વચ્ચે સફર કરતાં લોકો માટે મોટા સમાચાર 

પશ્ચિમ રેલવે વિભાગના સૂત્રોના જણાવ્યા અનુસાર IRTCT  દ્વારા દોડાવવામાં આવનારી અમદાવાદ-મુંબઈ તેજસ એક્સપ્રેસ 12મી એપ્રિલથી શરૂ થયા પછી અમદાવાદથી મુંબઈ અને મુંબઈથી અમદાવાદ સપ્તાહના પાંચ નહી છ દિવસ દોડશે. આમ હવે તેજસ મંગળવારે પણ દોડશે. મહત્વનું છે કે, અમદાવાદ-મુંબઈ તેજસ એક્સપ્રેસ વિશ્વસ્તરીય પ્રવાસ અનુભવની સાથે પ્રવાસીઓ અને તેમા પણ ખાસ કરીને બિઝનેસ ટ્રાવેલરોને આરામદાયી પ્રવાસની સગવડ પૂરી પાડે છે. 

તેજસ એક્સપ્રેસ ટ્રેનમાં શું હશે સુવિદ્યાઓ 

IRTCT  મુંબઈ-અમદાવાદ તેજસ એક્ઝિક્યુટિવ ચેર કાર અને અને એસી ચેર ક્લાસ સર્વિસ પૂરી પાડે છે. આ ટ્રેનના કેટલાક મહત્વના ફીચર્સમાં જોઈએ તો પ્રવાસીઓ માટેની આરામદાયક સીટ્સ, ઓન-બોર્ડ ઇન્ફોટેઇનમેન્ટ, ઓટોમેટિક ઇન્કટરનેક્ટિંગ ડોર્સ, સીસીટીવી કેમેરા, જીપીએસ આધારિત પેસેન્જર ઇન્ફોર્મેશન સ્ક્રીન્સ, મોબાઇલ ચાર્જિંગ પોઇન્ટ્સ, મોડ્યુલર બાયો-ટોઇલેટ્સ, ઓટોમેટિક એન્ટ્રી અને એક્ઝિટ ડોર, વેનેટિયન બ્લાઇન્ડ્સ સાથેની વિન્ડોઝ, બ્રેઇલી ઇન્ટિગ્રેટેડ સીટ નંબર, પહોળી લગેજ રેક વગેરેનો સમાવેશ થાય છે. આ આધુનિક પાસાઓ ઉપરાંત આઇઆરસીટીસી  તેજસ ટ્રેનના પ્રવાસીઓને વિના મૂલ્યે પ્રવાસ વીમો પૂરો પાડે છે. તેમા ટ્રેનના પ્રવાસમાં કલાકથી વધુ વિલંબ થાય તો નાણા રિફંડ મળે છે.

પશ્ચિમ રેલવેએ આ ઉપરાંત 21 ટ્રેનોની પેરમાં વધારાના કોચ જોડવાનું આયોજન કર્યું  

જેમાં બાન્દ્રા ટર્મિનસ-જોધપુર એક્સપ્રેસ, વીરાંગના લક્ષ્મીબાઇ એક્સપ્રેસ, અજમેર એક્સપ્રેસ, બિકાનેર એક્સપ્રેસ, શ્રી ગંગાનગર એક્સપ્રેસ,  દાદરથી અજમેર એક્સપ્રેસ, ભગત કી કોઠી એક્સપ્રેસ, બિકાનેર સુપરફાસ્ટ એક્સપ્રેસ, ઇન્દોરથી જોધપુર એક્સપ્રેસ, ઉદયપુરથી ખજુરાહો એક્સપ્રેસ, કામાખ્યા એક્સપ્રેસ, ન્યુ જલપાઈગુડી એક્સપ્રેસ, શાલીમાર એક્સપ્રેસ, જયપુર એક્સપ્રેસ,  બારમેરથી યશવંતપુર એક્સપ્રેસ, મદારથી કોલકાતા એક્સપ્રેસ, જયપુરથી ભોપાલ એક્સપ્રેસ, હિસારથી કોઇમ્બતુર એક્સપ્રેસ, દિલ્હી સરાઈ રોહિલા ઉદયપુર સિટી એક્સપ્રેસ ટ્રેનનો સમાવેશ થાય છે.