દિવાળી તહેવારોમાં મુસાફરોને ધ્યાનમાં રાખીને એસ.ટી વિભાગ તમામ રુટ પર વધારાની 405 બસ દોડાવશે
તહેવારને ધ્યાને રાખી ST વિભાગનો નિર્ણય
STની વધુ 45 બસો દોડાવવાનો નિર્ણય
વડોદરા ST ડેપો ખાતે સુરક્ષા વધારાઈ
દિવાળીના તહેવારોને લઈને રાજ્યના માર્ગ પરિવહન નિગમે મુસાફરોના હિતમાં મહત્વનો નિર્ણય લીધો છે. તહેવારોમાં મુસાફરો અને પ્રવાસીઓની ભીડ જામતી હોય છે એવામાં આવા સમયે પ્રવાસીઓના ધસારાને જોતા એસ.ટી વિભાગે વધારાની બસ દોડાવવાનો નિર્ણય કર્યો છે.
STની વધુ 45 બસો દોડાવવાનો નિર્ણય
દિવાળી તહેવારોમાં મુસાફરોને ધ્યાનમાં રાખીને એસ.ટી વિભાગ તમામ રુટ પર વધારાની 405 બસ દોડાવશે, જેમાં વડોદરામાં જ 45 બસ મુકવામાં આવી છે. તો રાજ્યના મોટા શહેરોમાં પણ વધુ બસ મુકવાનો એસ.ટી વિભાગે મહત્વનો નિર્ણય કર્યો છે. એટલું જ નહીં વધારાની બસ સાથે એસ.ડી ડેપોની સુરક્ષામાં પણ વધારો કરવામાં આવ્યો છે, તહેવારો ટાંણે કોઈ પણ પરિસ્થિતિને પહોંચી વળવા ડેપો ખાતે પોલીસ સુરક્ષામાં પણ વધારી દેવામાં આવી છે. તહેવારોમાં બસ દ્વારા મુસાફરી કરનાર લોકોની સંખ્યામાં ધસારો જોવા મળતો હોય છે. તેમજ શહેરોમાંથી પોતાના વતન દિવાળી કરવા માટે પણ લોકો જતા હોય છે, ત્યારે મુસાફરોને હાલાકી ન પડે તે માટે એસ.ટી વિભાગે મહત્વનો નિર્ણય કર્યો છે.
વડોદરા ST ડેપો ખાતે સુરક્ષા વધારાઈ
મહત્વનું છે દિવાળઈ પહેલા જ એસ.ટી વિભાગના કર્મચારીઓ દ્વારા પોતાની પડતર માંગ અને ડ્રાઇવર અને કંડકટરના ગ્રેડ પે માં વધારાને લઈને હડતાળની ચીમકી ઉચ્ચારવામાં આવી હતી. જો કે ગુજરાત સરકાર દ્વારા દિવાળી પહેલા ST બસ કર્મચારીઓને મોટી ભેટ આપવામાં આવી અને ST બસના ડ્રાઈવર અને કંડકટરનાં ગ્રેડ પેમા વધારો કરવામાં આવ્યો. ગુજરાતનાં ST બસના ડ્રાઈવરનો ગ્રેડ પે 1800થી વધારીને 1900 કરવામાં આવ્યો જ્યારે કંડકટરનો ગ્રેડ પે 1650થી વધારીને 1800 કરવામાં આવ્યો છે. આજે 1લી નવેમ્બરથી જ લાગુ કરવામાં આવશે. દિવાળીના તહેવારને લઈને એસ.ટી વિભાગે મુસાફરોને કોઈ પણ જાતની મુશ્કેલીન ન પડે તેવો નિર્ણય લેવામાં આવ્યો છે.