કોરોનાકાળ બાદ દેશભરમાં વ્યાપારીક પ્રવૃતિઓમાં ઘણો તેજીનો ટ્રેન્ડ ચાલી રહ્યો છે.જેને લઈને સપ્ટેમબરના કવાર્ટરમાં જીડીપીનો વૃદ્ધિ દર વઘશે
બ્રોકરેજ ફર્મ નોમુરાએ જણાવ્યું કે, સપ્ટેમ્બરના ક્વાર્ટરમાં GDP વૃદ્ધિ દર વધશે
દેશમાં કોરોના મહામારીથી પહેલાના ચરણ પર પહોંચી કારોબારની પ્રવૃતિઓ
ચાલુ નાણાકીય વર્ષ માટે જીડીપી વૃદ્ધિનો અંદાજ 10.4 ટકા જાળવી રાખ્યો
કોરોનાકાળ બાદ દેશભરમાં વ્યાપારીક પ્રવૃતિઓમાં ઘણો તેજીનો ટ્રેન્ડ ચાલી રહ્યો છે. અને ગત 29મી ઓગસ્ટે સમાપ્ત થતાં સપ્તાહમાં આ વ્યાપારીક પ્રવૃતિઓ મહામારીથી પહેલા ચરણ પર ઘણું ઉંચે પહોંચી જવા પામ્યું છે. જાપાની બ્રોકેરેજ કંપની નોમુરા ઇન્ડિયા બિઝનેસ રિઝમ્પશન ઇન્ડેક્સ 29 ઓગસ્ટના રોજ પૂરા થયેલા સપ્તાહમાં વધીને 102.7 થયો હતો.જે ગત વર્ષની સરખામણીમાં 101.03 પર હતો. માર્ચ 2020 કોરોના માહામારીથી પહેલા ચરણોમાં વ્યાપારીક પ્રવૃતિઓની તુલનામાં કરવા વાળા આ ઈન્ડેક્સ સંક્રમણની બે લહેરો દરમિયાન ઝડપથી નીચે આવી ગયો હતો.કોરોનાની બંને લહેરો દરમિયાન દેશના ઘણાં ભાગોમાં લોકડાઉન લગાવવામાં આવ્યું હતું.
મોદી સરકાર માટે આજે પ્રથમ ક્વાર્ટર માટે પણ આવ્યા સારા સમાચાર
જ્યારે આજે પહેલેથી જ ચાલુ વર્ષના પ્રથમ ક્વાર્ટરને લઈને મોદી સરકાર માટે સારા સમાચાર આવી જ ગયા છે. જેમાં GDPમાં ગ્રોથ રેટ રેકોર્ડબ્રેક 20.1 ટકા રહ્યો છે. જ્યારે ગયા વર્ષે પ્રથમ ક્વાર્ટરમાં નેગેટિવ 23.9 ટકા ગ્રોથ રેટ રહ્યો હતો. ઉલ્લેખનીય છે કે GDP કોઈ પણ દેશની આર્થિક સ્થિતિનું સ્વાસ્થ્ય માપવા માટેનું સૌથી સચોટ માનક છે.
સપ્ટેમ્બરના ક્વાર્ટરમાં જીડીપીની વૃદ્ધિમાં ઘણી તેજી આવશે.
નોમુરાએ એવુ પણ જણાવ્યું હતું કે, ઓગસ્ટ 2021માં ઈન્ડેક્સમાં 5.6 ટકાવારીની વૃદ્ધિ થઈ હતી. જે પહેલા જુલાઈમાં 17.1 અને જૂનમાં 15 ટકા આંક ચઢ્યો હતો. બ્રોકરેજ ફર્મ એમ પણ કહ્યું કે, સપ્ટેમ્બર માસના ક્વાર્ટરમાં જીડીપીની વૃદ્ધિમાં ઘણી તેજી આવશે. અને તેનાથી ચાલુ વર્ષે 10.4 ટકા જીડીપી વૃદ્ધિની આગાહી જાળવી રાખી છે. નોમુરાના જણાવ્યા મુજબ વીજળીની માંગ 0.1 ટકા વધ્યું છે. જો કે શ્રમ ભાગીદારી એક સપ્તાહ પહેલા 40 ટકાથી મામૂલી વધીને 40.8 ટકા પર પહોંચી છે. બ્રોકરેજ ફર્મે જણાવ્યું હતું કે, નવા સંક્રમણ મામલે લઈને હાલ મિશ્રીત અહેવાલો આવી રહી છે. સાત દિવસની સરેરાશ મુજબ છેલ્લા એક અઠવાડિયામાં કેસોની સંખ્યા 9,200 થી વધી 41,000 સુધી પહોંચી જવા પામી છે. જો કે, આ સ્થિતી કેરળના લીધે બની છે. તો પણ બ્રોકરેજ ફર્મે કહ્યું છે કે, આગામી તહેવારોના મોસમને દેખતાં તીસરી લહેરને નકારી ન શકાય.
દેશના વિવિધ રાજ્યો દ્વારા મુકવામાં આવેલા પ્રતિબંધોમાં હળવા કરતાં આર્થિક સુધારા મજબૂત થયા
આ પહેલા ઈફ્રા રેટિંગ્સે જણાવ્યું હતું કે, રાજ્યોં દ્વારા કોવીડ-19ના સંબંધિત પ્રતિબંધોમાં છુટછાટની સાથે જુલાઈ 2021માં આર્થિક પ્રવૃતોઓમાં પણ સુધારો મજબૂત થયો છે. રેટિંગ એજન્સીની એક રિપોર્ટના જણાવ્યા અનુસાર દેશમાં કારોબારી પ્રવૃતિઓ પર લગાવવામાં આવેલી રોકને પાછી લીધા બાદ જુલાઈ 2021માં વિવિધ ઔદ્યોગિક અને સેવા ક્ષેત્રમાં ટોલ કલેક્શનમાં સુધારો જોવા મળ્યો છે. ઈફ્રાના ચીફ ઇકોનોમિસ્ટ અદિતિ નાયરે પોતના અહેવાલમાં જણાવ્યું હતું કે, જુલાઇ 2021 માં ખાસ કરીને દક્ષિણના રાજ્યો સહિત અન્ય રાજ્યો દ્વારા મુકવામાં આવેલા પ્રતિબંધોમાં સરળતા સાથે આર્થિક સુધારા મજબૂત થયા છે.આ ઉપરાંત 13 માંથી 10 બિન-નાણાકીય સૂચકાંકોએ જુલાઈ 2021 માં વાર્ષિક વૃદ્ધિ નોંધાવી હતી. જો કે, જૂન 2021 ની સરખામણીમાં જુલાઈ 2021 માં જીએસટી ઇ-વે બિલ, ઇંધણ વપરાશ, વીજ ઉત્પાદન, કોલ ઇન્ડિયા લિમિટેડ (સીઆઇએલ) જનરેશન, વાહન નોંધણી, ઘરેલું મુસાફરોનો ટ્રાફિક ના કારણે વાર્ષિક કામગીરીમાં સુધારો થયો. તેનાથી વિપરીત, જુલાઈ 2021માં માસિક ધોરણે પોર્ટ કાર્ગો ટ્રાફિક, ડીઝલ વપરાશ અને રેલ નૂરનો ટ્રાફિક ઘટ્યો હતો. એજન્સીએ વધુમાં કહ્યું કે ઓગસ્ટ 2021ના પ્રારંભિક આંકડા મિશ્ર વલણ દર્શાવે છે.