કામની વાત / રેલવેના મુસાફરો માટે સારા સમાચાર! આ રૂટ પર દોડશે દેશની પહેલી વંદે ભારત સ્લીપર ટ્રેન

વંદે ભારત સ્લીપર ટ્રેનની રાહ જોઈ રહેલા મુસાફરો માટે સારા સમાચાર છે. ભારતીય રેલ્વે ટૂંક સમયમાં દેશની પ્રથમ વંદે ભારત સ્લીપર ટ્રેન શરૂ કરવા જઈ રહી છે. આ ટ્રેનનું અનાવરણ સપ્ટેમ્બર 2024 માં રેલ્વે મંત્રી અશ્વિની વૈષ્ણવે કર્યું હતું. આ ટ્રેન BEML દ્વારા ઇન્ટિગ્રલ કોચ ફેક્ટરી ટેકનોલોજીથી સજ્જ કરવામાં આવી છે.

એક અહેવાલ મુજબ, ભારતીય રેલ્વે નવી દિલ્હી-સિકંદરાબાદ રૂટ સહિત ઘણા રૂટ પર આ ટ્રેન ચલાવવાની તૈયારી કરી રહી છે. રાજધાની અને દુરંતો એક્સપ્રેસ પછી, વંદે ભારત સ્લીપર આ રૂટ પર ત્રીજી પ્રીમિયમ ટ્રેન હશે. આ ટ્રેન નવી દિલ્હીથી સિકંદરાબાદ સુધીનું 1667 કિમીનું અંતર 20 કલાકથી ઓછા સમયમાં કાપશે.

વધુ વાંચો: રોહિત-વિરાટ પછી વધુ એક દિગ્ગજની ટેસ્ટ ક્રિકેટમાંથી સંન્યાસની જાહેરાત

રૂટની સૌથી ફાસ્ટ ટ્રેન હશે

વંદે ભારત સ્લીપર ટ્રેનને 160 કિલોમીટર પ્રતિ કલાકની ઝડપે દોડવા માટે ડિઝાઇન કરવામાં આવી છે. આ ટ્રેન શરૂ થયા પછી, વંદે ભારત સ્લીપર આ રૂટ પરની સૌથી ઝડપી ટ્રેન હશે. આ પછી રાજધાની અને દુરંતો એક્સપ્રેસ હશે.

નવી દિલ્હી-સિકંદરાબાદ વંદે ભારત સ્લીપર ટ્રેન આગ્રા કેન્ટ, ગ્વાલિયર, વીરંગના લક્ષ્મીબાઈ ઝાંસી, ભોપાલ, ઇટારસી, નાગપુર, બલ્હારશાહ અને કાઝીપત જંકશન સહિત અન્ય મુખ્ય સ્ટેશનો પર રોકાઈને તેની યાત્રા પૂર્ણ કરશે.

રિપોર્ટ અનુસાર, આ વંદે ભારત સ્લીપર ટ્રેનમાં કુલ 16 કોચ હશે. આમાં 11 થર્ડ એસી, 4 સેકન્ડ એસી અને 1 ફર્સ્ટ એસી કોચ હશે. થર્ડ એસી કોચનું ભાડું લગભગ 3600 રૂપિયા, સેકન્ડ એસી કોચનું ભાડું 4800 રૂપિયા અને ફર્સ્ટ એસી કોચનું ભાડું લગભગ 6000 રૂપિયા રહેવાની ધારણા છે. આ ટ્રેન નવી દિલ્હીથી રાત્રે લગભગ 08:50 વાગ્યે ઉપડશે, બીજા દિવસે આ ટ્રેન રાત્રે લગભગ 08:00 વાગ્યે સિકંદરાબાદ પહોંચશે તેવી ધારણા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ