આવતી કાલથી વિધાનસભાનું ચોમાસું સત્રનો પ્રારંભ થશે. ત્યારે બજેટની તમામ તૈયારીઓને સરકારે આખરી ઓપ આપી દીધો છે. મંગળવારથી શરૂ થનારૂ વિધાનસભા સત્ર 25 જૂલાઇએ પૂર્ણ થશે. આ દરમિયાન નાણામંત્રી નીતિન પટેલ સંપૂર્ણ બજેટ રજૂ કરશે. રાજ્યનાં P.hd સ્કોલર માટે સરકારે સહાયની જાહેરાત કરી છે. સરકારે P.hd સ્કોલર વધારવા માટે 20 કરોડની ગ્રાન્ટ ફાળવી છે.
(પ્રતિકાત્મક તસ્વીર)
રાજ્યનાં PhD સ્કોલર માટે સરકારે સહાયની જાહેરાત કરી છે. સરકારે PhD સ્કોલર વધારવા માટે 20 કરોડની ગ્રાન્ટ ફાળવી છે. ત્યારે હવે PhD સ્કોલરને દર મહિને 15 હજાર રૂપિયા સ્ટાઈપેન્ડ પણ આપવામાં આવશે. સાથે જ દર વર્ષે 2 લાખની સહાય પણ અપાશે. સરકારની જાહેરાત ચાલુ બજેટમાં જોગવાઈ કરવામાં આવશે. સાથે જ આ મામલે PhD સ્કોલરની કમિટી પણ બનાવાશે.
મહત્વનું છે કે આવતી કાલથી વિધાનસભાનું ચોમાસું સત્રનો પ્રારંભ થશે. ત્યારે બજેટની તમામ તૈયારીઓને સરકારે આખરી ઓપ આપી દીધો છે. મંગળવારથી શરૂ થનારૂ વિધાનસભા સત્ર 25 જૂલાઇએ પૂર્ણ થશે. આ દરમિયાન નાણામંત્રી નીતિન પટેલ સંપૂર્ણ બજેટ રજૂ કરશે. ઉપરાંત ફાયર સેફ્ટી, જળનીતિનાં કાયદામાં સુધારો કરતું બિલ પણ રજૂ કરવામાં આવશે. આ સાથે જ અંધજનોને પેન્શનની નવી યોજનાઓ, પ્રજાલક્ષી નવી નીતિ અને યોજનાઓની જાહેરાત થઇ શકે છે. તો કોંગ્રેસ વિધાનસભા સત્ર દરમિયાન સરકારને ઘેરવાની રણનીતિ તૈયાર કરી લીધી છે. કોંગ્રેસ ખાતર, મગફળી કાંડ મુદ્દે, દલિતોને અન્યાય અને સુરત અગ્નિકાંડ મુદ્દે સરકારને વિધાનસભામાં ઘેરશે.
ઉલ્લેખનીય છે કે ગાંધીનગર ખાતે બજેટની તૈયારીઓને લઇને રાજ્ય સરકાર દ્વારા બેઠકનું આયોજન કરવામાં આવ્યું હતું. જેમાં ડે.સીએમ નીતિન પટેલ, શિક્ષણમંત્રી ભૂપેન્દ્રસિંહ ચુડાસમા અને ઉર્જા મંત્રી સૌરભ પટેલ હાજર રહ્યાં હતાં. વિધાનસભા સત્રમાં રજૂ કરનારા 7 વિધેયકોને આખરી ઓપ આપવા માટે આ બેઠકનું આયોજન કરાયુ હતું. આ અગાઉ નાણાં પ્રધાન નીતિન પટેલે વચગાળાનું ચૂંટણીલક્ષી બજેટ રજૂ કર્યુ હતું.
તમને જણાવી દઇએ કે રાજ્યસભાની ચૂંટણી બાદ ગુજરાતને નવા રાજ્યપાલ મળી શકે છે. રાજ્યપાલ ઓ.પી. કોહલીનો કાર્યકાળ જૂલાઇનાં અંતમાં પૂર્ણ થઇ રહ્યો છે. જેને કારણે ગુજરાતને નવા રાજ્યપાલ મળે તેવી સંભાવના છે. આ ઉપરાંત અન્ય 12 રાજ્યોને પણ નવા રાજ્યપાલ મળી શકે છે.