ડિજિટલ ગેમિંગ / ઓનલાઈન ગેમર્સ માટે ખુશીના સમાચાર, ભારતમાં ફરી લોન્ચ થશે PUBG

• PUBG મોબાઇલને લઈને મોટા સમાચાર 
• ભારતમાં ફરી લોન્ચ થશે PUBG
• ભારતમાં 100 મિલિયન ડોલરના રોકાણની ઘોષણા 

PUBG કોર્પોરેશનના જણાવ્યા અનુસાર, PUBG મોબાઇલ ઈન્ડિયા ભારતમાં લોન્ચ કરવામાં આવશે. કંપનીએ કહ્યું છે કે આ નવી એપ્લિકેશન ડેટા સિક્યુરિટીને સારી રીતે અનુસરશે. કંપની ભારતમાં મોટું રોકાણ કરવા પણ તૈયાર છે.

PUBG કોર્પોરેશન દ્વારા જાહેર કરાઈ પ્રેસ રીલીઝ

PUBG કોર્પોરેશન દ્વારા જાહેર કરાયેલ સત્તાવાર અખબારી અહેવાલમાં જણાવાયું છે કે, 'દક્ષિણ કોરિયન કંપની ક્રાફ્ટનની  પેટાકંપની,  (PUBG) કેટર PUBG કોર્પોરેશને આજે જાહેરાત કરી હતી કે ભારતમાં PUBG મોબાઇલ ઈન્ડિયા શરૂ કરવાની તૈયારી ચાલી રહી છે.

PUBG કોર્પોરેશનના જણાવ્યા મુજબ, PUBG મોબાઇલ ઈન્ડિયા ખાસ ભારત માટે બનાવવામાં આવી છે. કંપનીએ એમ પણ કહ્યું છે કે તે યુઝર્સને સલામત અને સ્વસ્થ રીતે રમવાનો એક અનેરો અનુભવ આપશે. 

PUBG એ પણ જાહેરાત કરી છે કે કંપની ભારતમાં પેટા સહાયક કંપની બનાવશે જેથી તે યુઝર્સની સાથે વધુ સારી રીતે વાતચીત કરી શકે. ભારતની PUBG કંપની 100 કર્મચારીઓને ભરતી કરશે. આ માટે, સ્થાનિક ઓફિસો તૈયાર કરવામાં આવશે અને કંપની સ્થાનિક વ્યવસાય સાથે મળીને અહીં એક ગેમિંગ સેવા ચલાવશે.

ભારતમાં કરશે 100 મિલિયન ડોલરનું રોકાણ 

PUBG કોર્પોરેશનની પેરેન્ટ કંપની ક્રાફ્ટન ઇન્કે ભારતમાં 100 મિલિયન ડોલરનું રોકાણ કરવાની જાહેરાત કરી છે. આ રોકાણો સ્થાનિક ગેમ્સ, ઇ ગેમ્સ, મનોરંજન અને આઇટી ઉદ્યોગોમાં કરવામાં આવશે. કંપનીનો દાવો છે કે આ રોકાણ ભારતમાં કોઈ પણ કોરિયન કંપની દ્વારા કરવામાં આવેલું સૌથી મોટું રોકાણ હશે.

ભારતમાં ડેટા સુરક્ષાને કારણે અને ચીન સાથેના તનાવને કારણે તેના પર પ્રતિબંધ મૂકવામાં આવ્યો હતો, તેથી આ કંપની પ્રકાશક તરીકે ચીની કંપની ટેનસેન્ટના સહયોગથી ભારતમાં ગેમ્સ ચલાવતી હતી પરંતુ હવે તે નહિ થાય જો કે, અન્ય દેશોમાં, કંપની ટેન્સન્ટ સાથે કામ કરવાનું ચાલુ રાખશે.