ઓસ્ટ્રિયા સ્થિત સ્ટાર્ટઅપ સોફ્ટવેર કંપની મોટોબિટે વધતાં જતા માર્ગ અકસ્માતોને ધ્યાનમાં રાખીને એક અદ્દભુત ડિવાઈસ બનાવ્યું છે. આ ડિવાઈસ ખાસ બાઈક ચાલકો માટે બનાવવામાં આવ્યું છે. આ ડિવાઈસ કંપની દ્વારા વ્હીકલ ડ્રાઈવ કરનારા વ્યક્તિ સાથે ઓનરોડ કોમ્યુનિકેટ કરશે. ડિવાઈસની મદદથી ચાલકોનું ધ્યાન માર્ગ અને વાહનની ગતિ પર જ રહેશે. આ ડિવાઈસનું નામ સેન્ટીનલ રાખવામાં આવ્યું છે. હાલ આ ડિવાઈસને ક્રાઉડફંડિંગ વેબસાઈટ પર 128 ડોલર એટલે લગભગ 9500 રૂપિયામાં બુક કરી શકાય છે.
સેન્ટીનલ સ્માર્ટફોન દ્વારા કનેક્ટ થઈ શકે છે
સેન્ટીનલને બાઈક ચાલક બ્લૂટૂથ દ્વારા તમારા સ્માર્ટફોનથી પણ કનેક્ટ કરી શકાય છે. આ ડિવાઈસ રસ્તા પર બાઈક ચલાવતી વખતે ચાલકને એલર્ટ કરતું રહે છે. બાઈક ચાલક સેન્ટીનલને કાંડા પર અથવા બેલ્ટમાં પણ ફિટ કરી શકાય છે. સેન્ટીનલ ચાલકના વ્યવહારને એનાલિસિસ પણ કરે છે. ડિવાઈસ વાહનની ગતિ તેજ થવા પર સ્પીડ ઓછી કરવાનો સંકેત આપે છે.
અકસ્માત પર ઇમરજન્સી સર્વિસિસને સંદેશ પણ મોકલશે
સ્ટાર્ટઅપ કંપની મોટોબિટ અનુસાર કાંડા પર ડિવાઇસ પહેરવાથી ગંભીર માર્ગ અકસ્માતોથી બચી શકાય છે. તમને જણાવી દઈએ કે મોટોબિટે ઓડિઓ અથવા વિઝ્યુઅલ નોટિફિકેશનને બદલે ચાલક સાથે વાતચીત કરવાની રીત તરીકે હેપ્ટિક ફીડબેકનો ઉપયોગ કરવાનું વિકલ્પ પસંદ કર્યું છે. માર્ગ અકસ્માતની સ્થિતિમાં આ ડિવાઈસની મદદથી ઈમરજન્સી સેવાઓ માટે શક્ય તેટલી વહેલી તકે સંદેશ પણ મોકલી શકાય છે.
ડિવાઈસમાં ઉલબ્ધ છે ગ્રુપ રાઈડિંગ મોડ
સેન્ટીનેલમાં એક ગ્રુપ રાઇડિંગ મોડ પણ છે. સરળ શબ્દોમાં કહીએ તો માની લો કે મિત્રોનું એક ગ્રુપ બાઈક ચલાવતી વખતે આ ડિવાઈસની મદદથી એકબીજા સાથે યોગ્ય અને સલામત અંતરને નક્કી કરી સફર કરી શકે છે. તમને જણાવી દઈએ કે, સેન્ટીનલને બનાવવામાં બે વર્ષની રિસર્ચ કરવી પડી. એ પછી આ શાનદાર ડિવાઈસ બનીને તૈયાર
થયું છે. આશા છે કે, ભારતમાં તેનું પ્રથમ શિપમેન્ટ 2021માં પહોંચાડવામાં આવશે.