SBI Recruitment 2022 / સરકારી બૅન્કમાં નોકરીની સુવર્ણ તક: SBIમાં બમ્પર વેકન્સી, મેરિટના આધારે થશે ઈન્ટરવ્યૂ

• સ્ટેટ બેંક ઓફ ઇન્ડિયામાં ભરતીની જાહેરાત
• અરજી કરવાની છેલ્લી તારીખ 20 સપ્ટેમ્બર 2022 છે
• આસિસ્ટન્ટ મેનેજર અને સીનિયર સ્પેશિયલ એક્ઝિક્યુટીવની જગ્યા

સ્ટેટ બેંક ઓફ ઇન્ડિયા (SBI) ભરતીની જાહેરાત થઇ છે. આ નોટિફિકેશન અનુસાર એસબીઆઈમાં આસિસ્ટન્ટ મેનેજર અને સીનિયર સ્પેશિયલ એક્ઝિક્યુટીવ સહિત ઘણી જગ્યાઓ પર ભરતી કરવામાં આવશે. જણાવી દઈએ કે આ ભરતી માટે અરજી પ્રક્રિયા શરૂ થઈ ગઈ છે. અરજી કરવાની છેલ્લી તારીખ 20 સપ્ટેમ્બર 2022 છે. અરજી કરવા માટે, ઉમેદવારો સત્તાવાર વેબસાઇટ sbi.co.in પર જઈને અરજી કરી શકે છે. આ ભરતી પ્રક્રિયા દ્વારા કુલ 714 પદો પર ભરતી કરવામાં આવશે.

અરજી કરવા માટે શૈક્ષણિક લાયકાત અને વયમર્યાદા
આ ભરતી પ્રક્રિયા દ્વારા ઘણી જગ્યાઓ પર ભરતી કરવામાં આવશે. જેના માટે અલગ અલગ શૈક્ષણિક લાયકાત રાખવામાં આવી છે. ઉમેદવારો સત્તાવાર વેબસાઇટ પર જઈને આ ભરતી માટેની શૈક્ષણિક લાયકાત ચકાસી શકે છે. આ ઉપરાંત જો તમે વયમર્યાદાની વાત કરો તો આ ભરતી માટે અરજી કરનાર ઉમેદવારની મહત્તમ ઉંમર 35 વર્ષ, 38 વર્ષ અને 40 વર્ષ નક્કી કરવામાં આવી છે.

અરજી ફી
આ ભરતી માટે અરજી કરવા માટે જનરલ અને ઓબીસી વર્ગના ઉમેદવારો માટે 750 રૂપિયા અરજી ફી જમા કરાવવાની રહેશે. જ્યારે એસસી અને એસટી કેટેગરીના ઉમેદવારોને અરજી ફીની ચુકવણીમાંથી મુક્તિ આપવામાં આવી છે.

કેવી રીતે થશે પસંદગી?
ઉમેદવારોની પસંદગી મેરિટ લિસ્ટના આધારે કરવામાં આવશે. ઇન્ટરવ્યૂના આધારે મેરિટ તૈયાર કરવામાં આવશે.

કેવી રીતે કરશો અરજી

1. આ ભરતી માટે અરજી કરવા માટે, ઉમેદવારો પહેલા સત્તાવાર વેબસાઇટ sbi.co.in/careers પર જાઓ.
2. આ પછી ઉમેદવારે મેઇલ આઈડી વગેરે દાખલ કરીને નોંધણી કરવાની રહેશે
3. ત્યારબાદ ઉમેદવારો સંબંધિત પદ માટે અરજીની પ્રક્રિયા કરવાની રહેશે.
4. હવે ઉમેદવારો જરૂરી વિગતો અને દસ્તાવેજો અપલોડ કરવાના છે.
5. ત્યારબાદ ઉમેદવારે અરજ ફીની ચુકવણી કરવાની રહેશે 
6. ઉમેદવારે ફોર્મની પ્રિન્ટ આઉટ કાઢી લેવી જોઈએ અને આગળ માટે સાચવી રાખવી