એપલના આઇફોન અથવા આઈપેડ યુઝર્સની લાંબા સમયથી ફરિયાદ છે કે તેઓ જીમેલ અથવા મોઝિલા જેવી અન્ય કોઈ એપ્લિકેશનનો ઉપયોગ ડિફોલ્ટ તરીકે કરી શકતા નથી.જોકે હવે બહુ જલ્દી આ ફરિયાદ દુર થાય તેવી શકયતા છે. એપલ હવે તેની ઓપરેટિંગ સિસ્ટમમાં આ ફિચર આપવાની તૈયારી કરી રહ્યું છે.
iPhone યુઝર્સ માટે સારા સમાચાર, હવે Androidની માફક આ બધુ જ વાપરી શકશે
એપલ હવે તેની ઓપરેટિંગ સિસ્ટમમાં આ ફિચર આપવાની તૈયારી કરી રહ્યું છે
આઇફોન અથવા આઈપેડ પરની અન્ય કંપનીઓની એપ્લિકેશનોને ડિફોલ્ટ રૂપે ઉપયોગ કરવાની મંજૂરી આપી શકે છે
બ્લૂમબર્ગના અહેવાલ મુજબ એપલ ટૂંક સમયમાં આઇફોન અથવા આઈપેડ પરની અન્ય કંપનીઓની એપ્લિકેશનોને ડિફોલ્ટ રૂપે ઉપયોગ કરવાની મંજૂરી આપી શકે છે. અત્યારે આઇફોન હોય કે આઇપેડ, માત્ર એપલની પોતાની જ એપ ડિફોલ્ટ રૂપે ઉપલબ્ધ છે. અન્ય એપ્લિકેશનો માટે ડિફોલ્ટનો ઓપ્શન ન આપવા બદલ એપલની ટીકા થતી આવી છે. એપલ પર માત્ર તેના ઉત્પાદનોના પ્રમોશનનો પણ આરોપ મુકાતો રહે છે.
આ અહેવાલને સત્તાવાર સમર્થન મળતું નથી પરંતુ એવું કહેવામાં આવી રહ્યું છે કે થર્ડ પાર્ટી એપ્લિકેશન ડિફોલ્ટ રૂપે લોંચ કરવા માટેની તૈયારી ચાલી રહી છે. એપલે 2008માં તેનો એપ સ્ટોર શરૂ કર્યું હતો. ત્યારથી કંપનીએ કોઈ પણ થર્ડ પાર્ટી એપ્લિકેશન્સને ડિવાઇસમાં પહેલેથી સ્ટોર એપ્લિકેશન્સ સાથે રિપ્લેસ કરવાની સુવિધા આપી નથી.
ડિફોલ્ટ એ ટેક્નોલોજી ફિલ્ડમાં અનેક વખત વપરાતો શબ્દ છે પરંતુ ઘણા લોકોને તેનો અર્થ સમજાતો નથી. હવે પ્રશ્ન એ છે કે ડિફોલ્ટનો અર્થ શું છે. ઉદાહરણ તરીકે, જો તમને કોઇએ મેસેજમાં વેબ લિંક મોકલી છે.
તમે જ્યારે તેના પર ક્લિક કરો છો, ત્યારે તે લિંક બ્રાઉઝરમાં ખુલે છે.આવી સ્થિતિમાં બ્રાઉઝર કે જેમાં આ લિંક ખુલે છે તેને ડિફોલ્ટ બ્રાઉઝર કહે છે.આઇફોનમાં તમે ગુગલ ક્રોમ કે અન્ય કોઇ બ્રાઉઝર ડાઉનલોડ કર્યું હોય પણ લિંક એપલના પોતાના સફારી બ્રાઉઝરમાં જ ખુલે છે.તમે આઇફોનમાં ડિફોલ્ટ બ્રાઉઝર કે થર્ડ પાર્ટી એપ પસંદ કરી શકતા નથી.એન્ડ્રોઇડ તમને તે આઝાદી આપે છે.પરંતુ એપલ હવે ડિફોલ્ટ એપ પસંદ કરવાનો ઓપ્શન આપવા જઇ રહ્યું છે.