રાજકોટ / તહેવારોને લઇને ગૃહિણીઓ માટે ખુશખબર, સિંગતેલના ડબ્બામાં 20 રૂપિયાનો થયો ઘટાડો

• તહેવારની સીઝનમાં સિંગતેલના ભાવમાં ઘટાડો
• હાલ સિંગતેલના ડબ્બાના ભાવ 1820 રૂપિયા થયા
• સિંગતેલના ડબ્બામાં 20 રૂપિયાનો ઘટાડો

સિંગતેલમાં ડબ્બે રૂપિયા 20 રૂપિયાનો ઘટાડો

આગામી દિવાળીનો તહેવાર નજીક આવી રહ્યો છે ત્યારે રાજ્યભરમાં થયેલા સારા વરસાદના પગલે મગફળીની આવકને લઇને સિંગતેલમાં ડબ્બે રૂપિયાનો ઘટાડો જોવા મળ્યો છે. જેને લઇને તહેવારોમાં ગૃહણી માટે સારા સમાચાર આવ્યા છે.  હાલ સિંગતેલના ડબ્બાના ભાવ 1820 રૂપિયા થયા છે. આમ સૌરાષ્ટ્રમાં મગફળીમાં મોટા પ્રમાણમાં વાવેતર અને ખરીફ પાકના સારા ઉત્પાદનની ધારણાને પગલે સીંગતેલના ડબ્બામાં ભાવ ઘટાડો જોવા મળ્યો છે. 

જન્માષ્ટમી પહેલા સિંગતેલના ડબ્બામાં જોવા મળ્યો હતો ભાવ વધારો
બ્રાન્ડેડ ઓઇલ મિલરો દ્વારા ઊંચા ભાવ બોલાતાં ‌સિંગતેલના ભાવમાં ભડકો જોવા મળ્યો હતો. માત્ર ત્રણ તફાવતે માંડ સ્થિર થયેલાં તેલના ભાવ ફરી વધી ગયા હતા. ભાવ વધવાના કારણે તેલનો ડબો ૧૮૦૦ની સપાટી કુદાવી ૧૯૦૦ આસપાસ પહોંચેલો જોવા મળ્યો હતો. એ સમયે પરિસ્થિતિ એવી હતી કે તહેવારો નજીક હોવા છતાં જોઈએ તેવી તેલની ખરીદી નીકળી નહોતી.