સારા સમાચાર / ખેડૂતો માટે આનંદના સમાચાર, આ વખતે કપાસના ભાવમાં થઇ શકે છે આટલા રૂપિયાનો વધારો

• ખેડૂતો માટે આનંદના સમાચાર
• કપાસના ભાવમાં થઇ શકે છે વધારો
• ઓક્ટોબરમાં વિક્રમી ભાવ મળશે

ગુજરાતમાં મેઘરાજાએ તારાજી સર્જી છે જેના કારણે ખેડૂતોના પાકને પણ નુકસાન થયું છે ત્યારે કપાસનું ઉત્પાદન કરતા ખેડૂતો માટે રાહતના સમાચાર સામે આવ્યા છે. 

ખેડૂતો માટે આનંદના સમાચાર

આ વખતે કપાસના સારા ભાવ મળી શકે છે હાલમાં ક્વોલિટી મુજબ ભાવ રૂ. 1100-1400 ભાવ મળી રહ્યા છે. ત્યારે પ્રથમ વખત ઓક્ટોબરમાં કપાસના વિક્રમી ભાવ બોલાય શકે છે જેમાં નવી આવકોમાં નવા ભાવ રૂ.1300થી 1500 રહેવાની સંભાવનાઓ જોવાઈ રહી છે. 

કપાસના ભાવમાં થઇ શકે છે વધારો

મહત્વનું છે કે ગત વર્ષે 26 લાખ હેક્ટરમાં કપાસનું વાવેતર હતું જ્યારે આ વર્ષે 22.75 લાખ હેક્ટરમાં વાવેતર થયું છે જો કે નવા બિયારણના કારણે કપાસના ઉત્પાદનમાં વધારો નોંધાઈ શકે છે. ગયા વર્ષે ગુજરાતમાં 60 લાખ ગાંસડી ઉત્પાદન હતું તેની સામે આ વર્ષે ઉત્પાદન 75 લાખ ગાંસડી પહોંચવાની શક્યતા જોવા મળી રહી છે. 

ઓક્ટોબરમાં વિક્રમી ભાવ મળશે

આમ આ વખતે ટેક્સટાઇલ ઉદ્યોગમાં કોટનની માંગ ઊંચા સ્તરે છે તો કોટન યાર્ન નિકાસમાં 30 ટકાથી વધારે ઉછાળો આવ્યો છે જો કે ભાવ વધારા 15 ડિસેમ્બર ઘટી શકે છે કપાસના ભાવ પ્રતિ દિવસ 55 હજાર ગાંસડી આવક ચાલુ થતાં ભાવ ઘટવાની શક્યતા જોવાઈ રહી છે.