ચોમાસું / ખેડૂતો માટે સારા સમાચાર, ગુજરાતમાં આ તારીખથી વિધિવત ચોમાસું શરૂ થાય તેવી આગાહી

• 14-15 જૂને રાજ્યમાં વાવણીલાયક વરસાદની આગાહી
• ગાજવીજ અને વંટોળ સાથે વરસાદની આગાહી  
• 25 થી 30 જૂન વચ્ચે સમગ્ર રાજ્યમાં વરસાદની આગાહી

ચોમાસાને લઈને રાજ્યના ખેડૂતો માટે સારા સમાચર આવ્યા છે. ગુજરાતમાં 14-15 જૂને રાજ્યમાં વાવણીલાયક વરસાદની આગાહી કરવામાં આવી છે. ગુજરાતમાં આમ તો ગઈકાલથી જ મેઘાએ મહેર કરી છે ત્યારે આજે હવામાન વિભાગ દ્વારા ગુજરાતમાં વિધિવત ચોમાસાની જાહેરત કરવામાં આવી હતી. 

14-15મી જૂને કયા વિસ્તારમાં પડશે વરસાદ

ગુજરાતમાં દક્ષિણ ગુજરાત, મધ્ય ગુજરાત સૌરાષ્ટ્રના દરિયાકિનારાના વિસ્તારોમાં વરસાદની આગાહી કરવામાં આવી છે. ગાજવીજ અને વંટોળ સાથે વરસાદની વકી કરવામાં આવી છે. ઉત્તર ગુજરાતમાં સમાન્ય વરસાદની આગાહી છે. 25 થી 30 જૂન વચ્ચે સમગ્ર રાજ્યમાં વરસાદની સંભાવના છે.