ચુકાદો / શું કોન્ટ્રાક્ટ પર કામ કરતાં કર્મચારીઓને પણ PFનો લાભ મળશે ... જાણો સુપ્રીમ કોર્ટે શું કહ્યું

• એક કેસનાં ચુકાદામાં સુપ્રીમ કોર્ટે સુંદર ચુકાદો આપ્યો છે
•  પવન હંસ કેસમાં સુપ્રીમ કોર્ટે આપ્યો ચુકાદો
• ડિલીવરી બોયને પણ આ લાભો મળી શકશે

સુપ્રીમ કોર્ટને કહ્યું કે કોન્ટ્રાક્ટ પર કામ કરનારા કર્મચારીઓને પીએફની સાથે અન્ય સામાજિક સુરક્ષા યોજનાઓનો લાભ પણ નિયમિત કર્મચારીઓની જેમ આપવામાં આવશે.

કોર્ટે PFનાં લાભ વિશે શું કહ્યું

સુપ્રિમ કોર્ટે કર્મચારી પ્રોવિડેન્ટ ફંડનાં સેક્શન 2(f) હેઠળ જો કોઈ પણ સંસ્થા સાથે કામ કરે છે. તો તે તમામ કર્મચારીઓ કહેવાશે. ભલે પછી તે કોન્ટ્રાક્ટ બેઝ પર કામ કરી રહ્યાં હોય. સુપ્રિમ કોર્ટે પબ્લિક સેક્ટર યુનિટ પવન હંસ લિમિટેડ સાથે જોડાયેલા એક કેસમાં ચુકાદો આપ્યો છે. જેમાં આ આદેશ કરવામાં આવ્યો છે. આ કેસ જાન્યુઆરી 2017માં દાખલ કરવામાં આવ્યો હતો. સુપ્રીમ કોર્ટે પવન હંસને પોતાનાં તમામ કોન્ટ્રાક્ટ પર રહેલાં કર્મચારીઓને પીએફ સ્કીમમાં જોડવાનો હુકમ કર્યો છે.

ડિલીવરી બોયને પણ આ લાભો મળી શકશે

જસ્ટિસ ઈંદુ મલ્હોત્રા અને યૂયૂ લલિલની બેંચે પવન હંસને હુકમ આપ્યો છે કે જાન્યુઆરી 2017 ડિસેમ્બર 2019 સુધીનાં પીફ પણ 12 ટકા વ્યાજ સાથે કર્મચારીઓના ખાતામાં જમાં કરવું પડશે. પૂર્વ શ્રમ સચિવ શંકર અગ્રવાલે આ કેસમાં વિશે કહ્યું કે લેબર લોમાં કોન્ટ્રાક્ટ પર કામ કરી રહેલા કર્મચારી અને નિયમિત કર્મચારીમાં કોઈ પણ ભેદભાવ નથી. એવું ચર્ચાઈ રહ્યું છે કે ડિલીવરી બોયને પણ PF અને અન્ય સ્કીમોમાં સમાવેશ કરાશે.