સુવિધા / SBIનાં કરોડો પેન્શનરો માટે ખુશખબર, હવે ઘરે બેઠા WhatsApp પર 5 જ સ્ટેપમાં ફટાફટ પતાવી શકશો આ કામ

• SBI એ તેના ગ્રાહકો માટે નવી સેવા શરૂ કરવા જઈ રહ્યું છે
• જેનાથી ઘરે બેઠા મેળવી શકશો તમામ માહિતી
• SBI એ પેન્શનધારકો પણ આ સુવિધાનો લાભ લઈ શકશે

 દેશની સૌથી મોટી બેંક SBI એ પેન્શનધારકોને મોટી રાહત આપતા એક નવી સુવિધા આપી છે. આ અંતર્ગત હવે પેન્શનધારકોને તેમની પેન્શન સ્લિપ માત્ર વોટ્અપ પર જ મળી જશે. આ એકદમ સરળ છે. આ સિવાય ગ્રાહક SBI WhatsApp Service નાં માધ્યમથી બેંક બેલેન્સની પૂછપરછ અને મિની સ્ટેટમેન્ટ પણ મેળવી શકો છે.

એસબીઆઈએ ટ્વીટ કરીને જાણકારી આપી
એસબીઆઈ વોટ્સએપ સેવા હેઠળ માહિતી ટ્વિટ કરી, વોટ્સએપ પર પેન્શન સ્લિપ મેળવવાની સુવિધા વિશેની માહિતી ટ્વિટ પોસ્ટ દ્વારા શેર કરવામાં આવી છે. આ નવી સેવા વરિષ્ઠ નાગરિકો માટે મોટી રાહત સાબિત થશે. SBIએ તેના અધિકૃત હેન્ડલ પરથી ટ્વિટ કર્યું, 'હવે તમારી પેન્શન સ્લિપ WhatsApp પર મેળવો અને પરેશાની મુક્ત સેવાનો સરળતાથી લાભ લો.'

Now get your pension slip over WhatsApp!
Avail hassle-free service at your comfort.
Send a "Hi" on +91 9022690226 over WhatsApp to avail the service. #SBI #AmritMahotsav #WhatsAppBanking #PensionSlip pic.twitter.com/rGgXMTup32

— State Bank of India (@TheOfficialSBI) November 17, 2022

એક મેસેજમાં સંપૂર્ણ વિગતો મેળવો
SBI એ આ સેવા મેળવવા માટેની સંપૂર્ણ પ્રક્રિયા પણ સમજાવી છે. બેંક અનુસાર, પેન્શન સ્લિપ મેળવવા માટે, વપરાશકર્તાઓએ તેમના મોબાઇલ પર WhatsApp દ્વારા ફક્ત 9022690226 પર Hi મોકલવાની જરૂર છે. એસબીઆઈ વોટ્સએપ સર્વિસ દ્વારા બેંક ખાતાની બાકી બેલેન્સ અને મિની સ્ટેટમેન્ટ જેવી અન્ય માહિતી પણ સરળતાથી મેળવી શકાય છે.

પેન્શન સ્લિપ કેવી રીતે મેળવશો

• તમારા WhatsApp દ્વારા 9022690226 નંબર પર Hi મોકલો.
• હવે તમને બેંક તરફથી ત્રણ વિકલ્પો સાથેનો મેસેજ મળશે.
• સંદેશમાં બેલેન્સ પૂછપરછ, મિની સ્ટેટમેન્ટ અને પેન્શન સ્લિપના વિકલ્પો આપવામાં આવશે.
• પેન્શન સ્લિપ પર ટેપ કરીને, કયા મહિના માટે સ્લિપ જરૂરી છે તે વિશે જણાવો.
• તમને વેઇટિંગનો મેસેજ મળશે અને થોડીવારમાં પેન્શન સ્લિપ મળી જશે.

આ રીતે નોંધણી કરો
SBIની WhatsApp બેંકિંગ સેવાનો ઉપયોગ કરવા માટે, સૌથી પહેલા ખાતાધારકે રજીસ્ટ્રેશન કરાવવું પડશે. નોંધણી માટે, ખાતાધારકે તેનો એકાઉન્ટ નંબર 'WARG' ટેક્સ્ટ સાથે મોકલવાની જરૂર છે અને ત્યારબાદ બેંકમાં નોંધાયેલા તેના મોબાઈલ નંબર પરથી 7208933148 પર સ્પેસ મોકલવાની જરૂર છે. આ પછી તમને SBI નંબર 90226 90226 પરથી તમારા WhatsApp નંબર પર એક મેસેજ આવશે. પછી આ નંબર સેવ કરો અને તમારા વોટ્સએપ એકાઉન્ટમાંથી Hi મોકલો.