બજેટ પછી સરકાર કેન્દ્રીય કર્મચારીઓના Fitment Factor ની માંગ પર મોટો નિર્ણય લેવાય તો તેમના પગારમાં બમ્પર વધારો જોવા મળી શકે
કેન્દ્રીય કર્મચારીઓ માટે ગુડ ન્યુઝ! શું કેન્દ્રીય કર્મચારીઓને મળશે મોટી ભેટ?
બજેટ રજૂ થયા બાદ કેન્દ્રીય કર્મચારીઓના પગારમાં મોટા વધારાની સંભાવના
બજેટ પછી સરકાર Fitment Factorની માંગ પર નિર્ણય લઈ શકે
આગામી 1 ફેબ્રુઆરી 2023ના રોજ નાણામંત્રી નિર્મલા સીતારમણ ભારતનું સામાન્ય બજેટ ( બજેટ-2023 ) સંસદમાં રજૂ કરશે. આ દરમિયાન કેન્દ્રીય કર્મચારીઓ પણ બજેટની રજૂઆતની આતુરતાથી રાહ જોઈ રહ્યા છે. વાસ્તવમાં આ કર્મચારીઓને આશા છે કે, બજેટ પછી સરકાર તેમના Fitment Factor ની માંગ પર મોટો નિર્ણય લઈ શકે છે. જો આવું થાય છે તો તેમના પગારમાં બમ્પર વધારો જોવા મળી શકે છે.
દેશનું સામાન્ય બજેટ રજૂ થયા બાદ કેન્દ્રીય કર્મચારીઓના પગારમાં મોટા વધારાની સંભાવના છે. મીડિયા રિપોર્ટ્સ અનુસાર બજેટ પછી Fitment Factor વધારવાની કર્મચારીઓની માંગ પર સરકાર નિર્ણય લઈ શકે છે. પ્રથમ વર્ષ 2022ના અંતમાં સરકાર તરફથી આ અંગે જાહેરાતની અપેક્ષા રાખવામાં આવી રહી હતી, પરંતુ તે થઈ શક્યું નહીં. હવે એવી ધારણા છે કે, બજેટ બાદ આ પરિબળ વધી શકે છે. જોકે કેન્દ્ર સરકાર દ્વારા હજુ સુધી આ અંગે કોઈ સત્તાવાર જાહેરાત કરવામાં આવી નથી.
બજેટ 2023 કેન્દ્રની મોદી સરકાર આગામી 2024ની સામાન્ય ચૂંટણી પહેલા સંપૂર્ણ બજેટ હશે. આવી સ્થિતિમાં જ્યાં સરકાર ચૂંટણી પહેલા બજેટમાં ખાસ જાહેરાત કરી શકે છે ત્યાં કેન્દ્રીય કર્મચારીઓની લાંબા સમયથી ચાલી રહેલી માતાને લઈને મોટી જાહેરાત કરી શકે છે. જો Fitment Factorરિવાઇઝ થશે તો તે કેન્દ્રીય કર્મચારીઓ માટે નવા વર્ષની મોટી ભેટ સાબિત થશે. ખરેખર તેમના પગારમાં મોટો વધારો થશે.
મહત્વનું છે કે, કેન્દ્રીય કર્મચારીઓને મળતા પગારમાં Fitment Factor ની મહત્વની ભૂમિકા હોય છે. ભથ્થાં ઉપરાંત તેમનો પગાર તેમના મૂળભૂત પગાર અને Fitment Factor ના આધારે નક્કી કરવામાં આવે છે. હાલમાં વર્ષ 2016 થી 2.57 ગણો આપવામાં આવી રહ્યો છે પરંતુ કેન્દ્રીય કર્મચારીઓ તેને વધારીને 3.68 ગણી કરવાની માંગ કરી રહ્યા છે.
કેટલો વધી શકે પગાર ?
જો સરકાર કર્મચારીઓની Fitment Factor વધારવાની માંગને ધ્યાનમાં લે તો કર્મચારીઓને મોટો ફાયદો થશે. છેલ્લી વખત જ્યારે Fitment Factor માં વધારો કરવામાં આવ્યો હતો ત્યારે કર્મચારીઓનો લઘુત્તમ પગાર 6000 રૂપિયાથી સીધો 18,000 રૂપિયા થઈ ગયો હતો. બીજી તરફ જો સરકાર ફરી એકવાર તેમાં વધારો કરે છે, તો કર્મચારીઓનો લઘુત્તમ પગાર 18,000 રૂપિયાથી વધીને 26,000 રૂપિયા થઈ જશે.