પરિણામ / વિધાનસભા ચૂંટણી પહેલા ભાજપ માટે સારા સમાચાર, સૌરાષ્ટ્રમાં આ ચૂંટણીમાં તમામ બેઠકો પર ભગવો

• સહકારી ક્ષેત્રે મેન્ડેટ આપવાની જાહેરાત બાદ APMC માં ચૂંટણી યોજાઈ હતી
• ઉપલેટા અને વડોદરા APMCની બેઠકો પર ચૂંટણી યોજાઈ હતી
• વડોદરા APMC માં ભાજપ પ્રેરિત ઉમેદવારનો પરાજય 

ઉપલેટા માર્કેટિંગ યાર્ડની તમામ બેઠકો ઉપર ભગવો લહેરાયો 

સહકારી ક્ષેત્રમાં સૌપ્રથમ વખત રાજકીય પાર્ટી પ્રેરિત ઉમદવારો દ્વારા ચૂંટણી યોજવાની સી.આર.પાટીલની જાહેરાત બાદ ઉપલેટાના માર્કેટિંગ યાર્ડમાં તાજેતર ચૂંટણી યોજાઈ હતી. જેમાં યાર્ડની કુલ 16 બેઠકો માટે સૌ પ્રથમ રાજકીય પક્ષ પેરિત ઉમેવારોએ ઉમેવારી નોંધાવી હતી, જેમાં ખેડૂતોની 10 બેઠકો માટે અને ખરીદ વેચાણ સંઘની 2 બેઠકો માટે અને 4 વેપારી બેઠકો માટે ચૂંટણી યોજવાની હતી. 

કઈ કઈ બેઠકો પરથી ઉમેદવારો જીત્યાં 

જેમાં ભાજપ પ્રેરિત વેપારી બેઠકો માં 4-4 બેઠકો બિન હરીફ થઇ હતી. અને ખેડૂતોની 10 બેઠકો માટે કુલ 21 ફોર્મ ભરાયા હતાં. જેમાંથી 11 ઉમેદવારો 10 બેઠકો મટે ચૂંટણી લડ્યાં હતાં. જેમાં 10-10 બેઠકો ઉપર ભાજપ પ્રેરિત બેઠકો ખેડૂતોનો વિજય થયો હતો,જયારે 2 ખરીદ વેચાણની 2 બેઠકો માટે 5 ફોર્મ ભરાયા હતા અને 2 પાછા ખેંચ્યા હતા જેમાં બાકી વધેલા 3 - 3 ઉમેદવારો ભાજપ ના હતાં. અને એક ઉમેવારે ટેકો જાહેર કરતા 2 ખરીદ વેચાણની બેઠકો બિનહરીફ જેવી સ્થિતિ હતી, જે જોતા આજે અહીં યોજાયેલી બેઠકોની ચૂંટણીમાં 1 કોંગ્રેસના ઉમેદવાર ને હરાવી ને ભાજપે ઉપલેટા માર્કેટિંગ યાર્ડ ની તમામ બેઠકો ઉપર ભગવો લહેરાવ્યો હતો, 

વડોદરા APMC માં ભાજપ પ્રેરિત ઉમેદવારનો પરાજય 

રાજકોટના ઉપલેટા બાદ વડોદરા APMC માં તાજેતરમાં સહકારી મેન્ડટ આધારીત ચૂંટણી યોજાઈ હતી. જેમાં બરોડા ગ્રીન મર્ચન્ટ એસોસિએશન સાયજીપૂરા શાકભાજી માર્કેટની સમજૂતી વાળી પેનલમાં વેપારી વિભાગની 4 બેઠકો માટે તાજેતરમાં મતદાન યોજાયું હતું. 4 બેઠકો માટે 5 ઉમેદવારો મેદાનમાં હતાં જેમાં  ભાજપ પ્રેરિત ઉમેદવાર અલ્પેશ શાહનો પરાજય થયો હતો. જ્યારે ઉમેશ ચંદુ કોટડીયા, જયપ્રકાશ ખીલનાણી, દીપને મુકુંદ ગાંધી અને નારાયણ પટેલનો વિજય થયો હતો