દેશમાં સૌથી ઝડપી ડેટા સ્પીડ આપવાનો દાવો કરનાર ટેલિકોમ કંપની ભારતી એરટેલે દેશભરમાં તેના ગ્રાહકો માટે 399 રૂપિયાનો પોસ્ટપેડ પ્લાન ઉપલબ્ધ કરાવવાની શરૂઆત કરી દીધી છે. અત્યાર સુધી આ પ્લાન કેટલાક ખાસ સર્કલ્સમાં જ ઉપલબ્ધ હતો. આ પોસ્ટપેડ મંથલી રેન્ટલવાળા પ્લાનમાં 3જી અને 4જી યુઝર્સને 40 જીબી ડેટા મળશે. આ સિવાય તેમને દરરોજ અનલિમિટેડ કોલિંગ અને 100 એસએમએસનો લાભ મળશે.
એરટેલના ગ્રાહકો માટે સારાં સમાચાર
હવે એરટલેના આ જબરદસ્ત પ્લાનમાં મળશે વધુ સુવિધાઓ
ઓછી કિંમતમાં મેળવો વધુ ડેટા
એરટેલના આ પોસ્ટપેડ પ્લાનમાં યુઝર્સને એરટેલ એક્સ્ટ્રીમ પ્રીમિયમનું એક વર્ષનું મફત સબ્સ્ક્રિપ્શન અને વિંક મ્યુઝિક સબસ્ક્રિપ્શન આપવામાં આવી રહ્યું છે. આ સિવાય હેલ્લોટ્યૂન્સ અને ફાસ્ટેગ પર 150 રૂપિયાનું કેશબેક ફ્રી મળશે. સાથે જ વોડાફોન આઈડિયાએ તેના બ્રાન્ડ નેમ વીઆઈ હેઠળ તેના 399 રૂપિયાના પોસ્ટપેડ પ્લાનમાં 40 જીબી ડેટા સાથે 200 જીબી ડેટા રોલઓવર, અનલિમિટેડ કોલિંગનો લાભ આપી રહી છે. આ સાથે ઝોમેટો ફૂડ ઓર્ડર પર 200 રૂપિયા સુધીની છૂટ, વીઆઈ મૂવીઝ અને ટીવી સબ્સ્ક્રિપ્શન્સ, માય11 સર્કલ પર પસંદગીની રમતો માટે એન્ટ્રી ફીમાં 50% ડિસ્કાઉન્ટ જેવા અન્ય ફાયદા પણ ઉપલબ્ધ છે.
વોડાફોન આઈડિયા અને એરટેલ ઉપરાંત રિલાયન્સ JIO પણ તેના યુઝર્સ માટે દર મહિને 399 રૂપિયાના પોસ્ટપેડ પ્લાન પ્રદાન કરી રહ્યું છે. જિયોએ 'Jio પોસ્ટપેડ પ્લસ' હેઠળ તેનો પ્લાન લોન્ચ કર્યો છે. આમાં યુઝર્સને 75GB ડેટા મળી રહ્યો છે. આ સાથે 200 જીબી સુધીની ડેટા રોલઓવરની સુવિધા પણ આપવામાં આવી રહી છે. જોકે, જિયો અને વોડાફોનના 399 રૂપિયાના પોસ્ટપેડ પ્લાનમાં કોઈ ફેમિલી બેનિફિટ નથી. યુઝર્સને એસએમએસ અને અનલિમિટેડ કોલિંગની સાથે જિયો એપ્લિકેશંસનું કોમ્પ્લિમેન્ટરી સબ્સ્ક્રિપ્શન મળે છે.